Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia (Edicion di Estudio)  |  June 2015

Bo Ta Corda?

Bo Ta Corda?

Bo a tuma tempo pa lesa e ultimo edicionnan di E Toren di Vigilancia? Wel, wak si bo por contesta e siguiente preguntanan:

Cristiannan mester resa na Hesucristo?

No. Hesus a siña nos resa na Jehova, y e mes a pone e ehempel ora el a resa na su Tata. (Mat. 6:6-9; Juan 11:41; 16:23) Su prome siguidornan a sigui su ehempel y a resa na Jehova, no na dje. (Echo. 4:24, 30; Col. 1:3)—1/1, pagina 14.

Kico nos por haci tur aña pa prepara nos mes pa conmemora e morto di Hesus?

Nos por sigui e programa di lesamento di Bijbel pa e Conmemoracion. Nos por haci esfuerso tambe pa expande nos sirbishi durante e periodo ey. Y nos por medita y haci oracion riba e speransa cu Dios a duna nos.—15/1, pagina 14-16.

Kico a pasa cu e dos presonan Egipcio cu a revela nan soño straño na Jozef?

Jozef a splica e copero di Farao cu lo e haya su puesto bek. Pero e panadero, el a bisa cu Farao lo laga mat’e y colga su curpa na palo. E dos soñonan ey a cum- pli manera Jozef a bisa. (Gen. 40:1-22)—1/2, pagina 12-14.

Ki regalo inespera e rumannan na Japon a ricibi?

Nan a haya un foyeto cu tin e Evangelio di Mateo saca for di e Traduccion di Mundo Nobo. E rumannan ta lag’e den sirbishi cu hopi hende cu no sa mucho di Bijbel.—15/2, pagina 3.

Kico a pone cu e bon noticia por a yega na mas hende den e prome siglo?

E stabilidad di e Pax Romana (Paz Romano) a nifica cu tabatin menos conflicto. E discipelnan di e prome siglo por a haci uzo di e sistema di caminda Romano. Hopi caminda e hendenan tabata papia Griego, y esey a yuda e discipelnan predica, hasta na e Hudiunan plama den henter e imperio. Ademas, e cristiannan por a uza e ley Romano pa defende e bon noticia.—15/2, pagina 20-23.

Dicon cristiannan berdadero no ta celebra Pasco di Resureccion?

Hesus no a instrui su siguidornan pa recorda su resureccion, sino su morto. (Luc. 22:19, 20)—1/3, pagina 8.

Dicon den e ultimo añanan nos publicacionnan no ta papia mucho mas di tipo y antitipo biblico?

Tin biaha Bijbel mes ta bisa cu algun personahe ta representa un persona of algo mas importante. Nos ta haya un ehempel di esaki na Galationan 4:21 pa 31. Pero den otro casonan, ta mihor pa nos no duna un nificacion simbolico na un relato biblico. Loke si nos por busca ta e lesnan valioso cu nos por siña di e personahenan y sucesonan menciona den Bijbel. (Rom. 15:4)—15/3, pagina 17-18.

Dicon un fragmento di papiro di antiguedad cu nan a haya den un monton di sushi na Egipto ta asina importante pa nos awe?

Den siglo 20, nan a haya un fragmento di papiro cu ta con- tene parti di e Evangelio di Juan. El a ser skirbi kisas djis un par di decada despues cu Juan a skirbi su Evangelio. Su contenido ta duna prueba cu e mensahe di Bijbel cu nos tin awe ta exacto y confiabel.—1/4, pagina 10-11.

Dicon ta un muestra di amor pa expulsa un pecador cu no a arepenti?

Bijbel ta bisa bon cla cu mester expulsa pecador cu no arepenti for di e congregacion. (1 Cor. 5:11-13) Esey ta un paso serio, pero e por duna bon resultado. E ta trece honor pa e nomber di Dios, e ta tene e congregacion limpi y e por pone e pecador cambia su mal actitud.—15/4, pagina 29-30.