Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia (Edicion di Estudio)  |  April 2015

Un Palo Cu Nan A Kap Por Bolbe Spruit?

Un Palo Cu Nan A Kap Por Bolbe Spruit?

UN PALO di oleifi—cu su troncon tur dobla y troci—no ta parce mucho impresionante si compar’e cu e mahestuoso palo di seda di Libanon. Pe- ro palo di oleifi ta hopi resistente y tin e caracteristica remarcabel di por sobrevivi tur tipo di weer. Segun calculo, tin di e palonan ey ta 1.000 aña bieu. E raiznan extenso di e palo di oleifi ta pone cu e por rebiba hasta ora cu nan caba cu e troncon. Tanten cu e raiznan ta bibo, lo e spruit di nobo.

Patriarca Job tabata convenci cu hasta si e mester muri, lo e bolbe biba. (Job 14:13-15) El a uza un palo—kisas un palo di oleifi—pa ilustra su confianza den e capacidad di Dios pa lant’e for di morto. Job a bisa: “Pa un pa- lo tin speransa, cu ora e wordo gekap, e lo spruit di nobo.” Ora awasero cay despues di un temporada di secura severo, e troncon seco di un palo di oleifi por biba bek, ya cu for di su raiz e ta “saca spruit manera un [mata].”—Job 14:7-9.

Mescos cu un cunukero ta anhela pa mira e raiznan di un palo di oleifi cu nan a kap bolbe spruit, asina tambe Jehova Dios ta anhela di resucita su sirbidornan y hopi hende mas cu a fayece. (Mat. 22:31, 32; Juan 5:28, 29; Echo. 24:15) Esta dushi lo ta pa bisa e mortonan bon- bini y mira nan disfruta di un bida productivo atrobe!