Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia (Edicion di Estudio)  |  June 2014

Bo Ta Corda?

Bo Ta Corda?

Bo a tuma tempo pa lesa e ultimo edicionnan di E Toren di Vigilancia? Wel, wak si bo por contesta e siguiente preguntanan:

Ki ora e Israelitanan mester a mata e lamchi di Pasco dia 14 di nisan?

Algun traduccion di Bijbel ta bisa cu nan mester a mata e lamchi ‘ora nochi tabata cerando’, esta, despues cu solo a baha, mientras cu tabata cla ainda. (Exo. 12:6)—15/12, pagina 18-19.

Ki principionan biblico por yuda hobennan tuma decisionnan sabi?

(1) Busca prome e Reino y e husticia di Dios. (Mat. 6:19-34) (2) Sirbi otro hende pa bo ta feliz. (Echo. 20:35) (3) Sirbi Jehova cu goso den bo hubentud. (Ecl. 12:1)—15/1, pagina 19-20.

Cua ta e cuater coredonan di cabay cu ta coriendo desde 1914?

Hesus ta riba e cabay blanco y a core cu Satanas y su demoñonan for di cielo. Esun cu ta core e cabay color di candela ta representa tur e gueranan cu ta afligi humanidad. Esun cu ta core e cabay preto ta representa hamber. Esun cu ta core e cabay bleek ta mata miyones di hende cu maleza. (Rev. 6:2-8)—1/2, pagina 6-7.

Na ki tempo “e casamento di e Lamchi” lo tuma luga? (Rev. 19:7)

“E casamento di e Lamchi” lo tuma luga despues cu Hesucristo, e Rey, completa su victoria, esta, despues cu Babilonia e Grandi ser destrui y e guera di Armagedon a tuma luga.—15/2, pagina 10.

Dicon e Hudiunan di prome siglo tabata “den expectativa” pa yegada di e Mesias? (Luc. 3:15)

Nos no sa sigur si e Hudiunan di prome siglo a compronde e profecia di Daniel tocante e Mesias manera nos awe. (Dan. 9:24-27) Sinembargo, kisas nan a tende di e noticia cu e angel a duna e wardadornan di carne of nan a haya sa loke Ana a bisa ora el a mira e baby Hesus na e tempel. Ademas, tabatin astrologonan cu a bin busca “esun cu a nace como rey di e Hudiunan.” (Mat. 2:1, 2) Despues, Juan Bautista tambe a indica cu e Cristo lo a bin pronto.—15/2, pagina 26-27.

Con nos por evita cu nos ‘si ta no na mes momento’? (2 Cor. 1:18)

Tin biaha, berdad sa sosode cu debi na un situacion fuera di nos control, nos no por cumpli cu nos palabra. Pero, como cristian, nos mester haci nos best pa cumpli cu nos compromiso- of promesanan.—15/3, pagina 32.

Con nos por resisti tentacion di wak pornografia?

Tres conseho cu por yuda nos ta: (1) Bira nos cara di biaha si nos bista cay riba algo erotico. (2) Paga tino riba kico nos ta pensa; enfoca riba cosnan positivo y haci oracion na Jehova. (3) Wak bon kico nos ta haci: no wak pelicula of website cu ta contene pornografia.—1/4, pagina 10-12.

Ki consecuencianan inespera un cristian por hay’e cu ne ora e laga su famia y bay traha afo?

Ora mayor- y yiunan no ta biba hunto como famia, yiunan por sufri daño emocional, perde nan balornan moral y aleha di nan mayornan. Y parehanan cu ta biba separa for di otro por cay den tentacion pa comete inmoralidad sexual.—15/4, pagina 19-20.

Dicon nan tabata kibra pia di criminal colga na staca?

E Romanonan tabata claba algun criminal na staca. E Hudiunan a pidi pa kibra pia di e criminalnan cu tabata colga banda di Hesus. Esey lo a pone cu a bira mas dificil pa nan hala rosea y nan lo a muri mas lihe. Asina e curpanan lo no a keda henter anochi na staca. (Deu. 21:22, 23)—1/5, pagina 11.

Cua ta e cuater preguntanan cu nos tin cu tene na mente den nos trabou di predica?

Ken e persona cu mi ta papiando cu ne ta? Unda mi ta papiando cu ne? Ki ora ta mihor pa papia cu hende? Con mi mester papia cu nan?—15/5, pagina 12-15.

Cuanto hende a muri di humamento?

Durante e ultimo siglo, humamento a mata 100.000.000 hende. Actualmente, 6.000.000 hende ta muri pa aña di humamento.—1/6, pagina 3.