Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  Num. 6 2016

Kico Bijbel Ta Bisa?

Kico Bijbel Ta Bisa?

Dios ta contesta tur oracion?

LO BO BISA CU DIOS TA CONTESTA ORACION DI ...

  • Tur hende

  • Algun hende

  • Niun hende

LOKE BIJBEL TA BISA

“SEÑOR ta cerca di tur ... esnan cu ta sclama na dje den berdad.”—Salmo 145:18.

KICO MAS NOS POR SIÑA FOR DI BIJBEL?

  • Dios no ta scucha oracion di hende cu ta rebeldia contra dje. (Isaias 1:15) Pero, nan por drecha nan relacion cu Dios ora nan cambia nan conducta.—Isaias 1:18.

  • Pa Dios por scucha un oracion, e mester ta di acuerdo cu su rekisitonan cu tin den Bijbel.—1 Juan 5:14.

Nos mester ta den un posicion specifico pa haci oracion?

ALGUN HENDE TA KERE cu semper nan tin cu hinca rudia, sak cabes of pone man hunto ora di haci oracion. Kico abo ta pensa?

LOKE BIJBEL TA BISA

Bijbel ta bisa cu Dios a scucha oracion di hende cu a “sinta” of “ lanta” para pa haci oracion y tambe di hende cu a “tira ... curpa abou” of “hinca rudia.” (1 Cronicanan 17:16; 2 Cronicanan 30:27; Esdras 10:1; Echonan 9:40) Pues Dios no ta exigi pa nos ta den un posicion specifico pa haci oracion.

KICO MAS NOS POR SIÑA FOR DI BIJBEL?

  • Dios ta scucha hende humilde.—Salmo 138:6.

  • Bo por haci oracion den cualkier idioma of hasta den bo mes.—2 Cronicanan 6:32, 33; Nehemias 2:1-6.