Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  Num. 5 2016

 TOPICO PRINCIPAL | UNDA BO POR HAYA CONSUELO?

Nos Tur Tin Mester di Consuelo

Nos Tur Tin Mester di Consuelo

Kisas bo ta corda cu tempo bo tabata mucha, bo a cay y corta bo man of raspa bo rudia. Bo ta corda con bo mama a consola bo? Podise el a limpia e herida y pone un pleister riba dje. Bo a yora, pero el a brasa bo y consola bo cu su bunita palabranan, y esey a laga bo sinti mihor. Durante e tempo ey di bo bida, tabata facil pa haya consuelo.

Pero segun cu nos ta bira grandi, bida ta bira mas complica. E problemanan ta bira mas grandi y ta bira mas dificil pa haya consuelo. Lamentablemente, ta masha poco biaha un adulto por resolve su problema cu un pleister y un brasa di su mama. Ban wak algun ehempel.

  • Bo a yega di pasa den e angustia di perde trabou? Julian a bisa cu ora nan a kit’e for di trabou, el a haya un shock y a keda hopi preocupa. El a puntra su mes: Con lo mi percura pa mi famia? Despues di asina tanto aña den servicio, dicon e compania aki ta sinti cu mi no ta sirbi mas?

  • Kisas bo ta sinti bo deprimi despues cu bo matrimonio a kibra. Raquel a splica: “Diesocho luna pasa, diripiente mi casa a bay laga mi, y mi a sinti un tristeza profundo. Ta comosifuera mi curason a parti den dos. E dolor tabata tanto fisico como emocional, y esey a duna mi miedo.”

  • Kisas bo tin un problema serio di salud, y ta parce cu bo no ta birando bon. Tin biaha bo por sinti bo manera e patriarca Job, kende no kier a sigui biba y a lamenta: “Mi ta fadá di biba.” (Job 10:1, BPK) Kisas bo ta sinti manera Luis, un homber di 80 y pico aña, kende a bisa: “Tin biaha mi ta sinti manera ta sinta mi ta sinta warda riba mi morto.”

  • Of bo tin mester di consuelo debi na morto di un ser keri. Robert a splica: “Mi no por a kere ora m’a tende cu mi yiu a muri den un accidente di avion. Despues e dolor a bin; e sorto di dolor cu Bijbel ta compara cu un spada largo cu ta pasa door di bo.”Lucas 2:35.

Robert, Luis, Raquel y Julian a haya consuelo, hasta den e situacionnan dificil ey. Nan a haya e mihor Persona cu ta duna consuelo, esta, nos Dios Todopoderoso. Con e ta haci esey? Lo e duna bo e consuelo cu abo tin mester?