Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  Num. 4 2017

Casi tur religion principal ta kere den un alma inmortal

 TOPICO PRINCIPAL | KICO BIJBEL TA BISA TOCANTE BIDA Y MORTO?

Un Pregunta Cu Ta Interesa Hopi Hende

Un Pregunta Cu Ta Interesa Hopi Hende

HENDE tin diferente punto di bista tocante bida y morto. Algun ta pensa cu despues di morto nan ta sigui biba, podise den un otro forma of otro caminda. Tin hende ta pensa cu nan lo nace di nobo pa nan hiba un otro bida. Anto otronan ta pensa cu morto ta fin di tur cos.

Kisas bo tin bo mes pensamento riba e topico aki, dependiendo di e manera cu bo a lanta of di caminda bo ta biba. Como cu hende tin diferente opinion tocante kico ta sosode despues di morto, unda nos por haya informacion confiabel y corecto tocante e tema aki?

Pa hopi siglo, lidernan religioso a siña hende e doctrina cu alma ta inmortal. Casi tur religion principal, manera cristian, hindu, hudiu, moslim y otronan, ta kere den un alma inmortal cu ta sigui biba despues cu e curpa muri y cu ta pasa pa e region di spirito. Di otro banda, budistanan ta kere cu ora un hende nace di nobo varios biaha, e forsa, of energia mental, por alcansa un estado di felicidad total cu yama nirvana.

E doctrinanan aki ta pone mayoria di hende rond mundo kere cu morto ta hiba na un bida den un otro mundo. Pues pa hopi hende, morto ta un parti importante di e ciclo di bida cu, segun nan, ta parti di e boluntad di Dios. Pero kico Bijbel ta bisa tocante esaki? Sea asina bon di lesa e siguiente articulo. E contesta por sorprende bo.