Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  Num. 4 2016

 TOPICO PRINCIPAL | BIJBEL SU STORIA DI SOBREVIVENCIA

Con Bin Bijbel A Sobrevivi?

Con Bin Bijbel A Sobrevivi?

Bijbel a sobrevivi. Como resultado di esey, awe bo por haya un y les’e. Y ora bo scoge un bon traduccion di e Scritura, bo por ta sigur cu bo ta lesando un copia confiabel di e texto original. * Pero con bin Bijbel a keda conserva a pesar cu el a ser skirbi riba material cu ta caba na nada, y con el a logra sobrevivi oposicion feroz y intento pa cambia su mensahe, na un manera asina extraordinario? Ta kico ta haci e buki ey asina special?

“Awor mi ta convenci cu e Bijbel cu mi tin ta un regalo di Dios”

Hopi studiante di Bijbel a yega na e mesun conclusion cu apostel Pablo, kende a skirbi: “Henter e Scritura ta inspira di Dios.” (2 Timoteo 3:16) Nan ta kere cu Bijbel a sobrevivi pasobra e ta e Palabra di Dios y pasobra ta Dios mes a conserv’e te dia di awe. Cu tempo, Faizal, menciona den e prome articulo, a dicidi di analisa Bijbel pa su mes pa wak si e conclusionnan ey tin base. Loke el a siña a lag’e keda sorprendi. No a dura mucho cu el a siña cu hopi di e doctrinanan bon conoci di religionnan di cristiandad no ta aparece den Bijbel. Ademas, e proposito di Dios cu Bijbel ta papia di dje a conmov’e hopi.

El a bisa: “Awor mi ta convenci cu e Bijbel cu mi tin ta un regalo di Dios. Al fin y al cabo, si Dios por crea universo, lo e no tin e poder pa duna nos un buki y tambe conserv’e pa nos? Si nos bisa cu esey ta imposibel, ta comosifuera nos ta bisa cu Dios su poder ta limita. Y ken mi ta pa limita e poder di e Todopoderoso?”—Isaias 40:8.

^ par. 3 Wak e articulo “Cómo escoger una buena traducción de la Biblia” den e Atalaya di 1 di mei 2008.