Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Toren di Vigilancia  |  Num. 1 2016

Bo Tabata Sa?

Bo Tabata Sa?

Den tempo biblico, con hende tabata traha rol, y con nan tabata uza nan?

Rolnan di cuero y di percament di e buki di Ester, siglo 18

E Evangelio di Lucas ta bisa cu Hesus a habri e rol di Isaias, a lesa for di dje, y despues a lor’e ser’e bek. Juan tambe a papia di un rol. Na final di su Evangelio, el a bisa cu e no por a inclui den su rol tur e milagernan cu Hesus a haci.—Lucas 4:16-20; Juan 20:30; 21:25.

Con hende tabata traha rol? Wel, nan tabata plak pida pida di material manera cuero, percament of papiro na otro pa forma un rol largo. Nan tabata lor’e rond di un bara cu e banda skirbi paden. Nan tabata skirbi di ariba bay abou den columnanan cortico y tabatin varios columna banda di otro. Si e rol tabata largo, nan tabata pone un bara na cada banda cu e lesador por a uza pa habri e rol cu un man y ser’e cu e otro te ora e yega caminda e mester tabata.

The Anchor Bible Dictionary ta bisa cu “e bon di un rol tabata cu e tabata suficiente largo (hopi biaha mas o menos 10 meter) pa contene un buki completo y no tabata tuma hopi espacio.” Por ehempel, segun calculo, e rol di e Evangelio di Lucas lo tabata mas o menos 9,5 meter largo. Tin biaha, nan tabata corta e rand ariba y abou di un rol y tabata uza un tipo di piedra grof pa hacie fini. Despues, nan tabata tiña e randnan.

Ken lo tabata e sacerdotenan principal cu ta ser menciona den e Scritura Griego Cristian?

For di ora Dios a cuminsa nombra sacerdote pa e Israelitanan, ta solamente un homber tabata sirbi como sumo sacerdote te dia cu el a muri. (Numbernan 35:25) Aaron tabata e prome sumo sacerdote, y generalmente e yiu homber mayo tabata sigui su tata den e puesto ey. (Exodo 29:9) Hopi di e descendientenan masculino di Aaron a sirbi como sacerdote, pero masha poco di nan a sirbi como sumo sacerdote.

Ora Israel tabata bou di dominio di otro nacion, gobernantenan cu no tabata Israelita tabata kita y pone sumo sacerdote Hudiu manera nan a haya tabata bon. Pero ta parce cu esnan cu a ser nombra como sumo sacerdote casi semper tabata bin di algun famia privilegia, mayoria di biaha di e famia di Aaron. Aparentemente, e expresion sacerdotenan principal ta referi na miembronan destaca di e sacerdocio. E sacerdotenan principal kisas tabata inclui cabes di e 24 divisionnan di sacerdote, esta, miembronan prominente di famia di sumo sacerdote y ex sumo sacerdotenan cu a ser baha for di nan puesto, manera Anas.—1 Cronicanan 24:1-19; Mateo 2:4; Marco 8:31; Echonan 4:6.

Mas Informacion

PREGUNTA CU BIJBEL TA CONTESTA

Nos Por Haya Sa Ken A Skirbi Bijbel?

E escritornan di Bijbel ta bisa cu ta Dios ta e autor di Bijbel y cu ta e a guia nan pa skirbie. Con nos por kere loke tin skirbi den Bijbel?