Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Spierta!  |  Num. 5 2017

 CASUALIDAD OF DISEÑO?

E Forma di Cocolishi

E Forma di Cocolishi

DANKI na e forma di cocolishi, e bestia cu ta biba den dje por wanta e presion y e condicionnan dificil cu tin den fondo di lama. E tremendo capacidad aki cu e cocolishi tin di proteha su habitante a inspira ingenieronan pa studia su forma y structura pa nan logra diseña auto y edificio cu por proteha nan ocupantenan.

Pensa un rato riba lo siguiente: Ingenieronan a analisa dos tipo di cocolishi: esun cu tin forma di oester y esun spiraal. Den caso di esun cu tin forma di oester, nan a ripara cu e curvanan parti pafo di e cocolishi ta manda e presion na e scarnir y rand parti pafo. En cambio, e curvanan parti pafo di e cocolishi spiraal ta manda e presion na e nucleo y parti mas hancho ariba. Den ambos caso, e presion ta bay na e parti mas firme di e cocolishi. Esey kiermen cu si e cocolishi sufri daño, e bestia cu ta biba den dje ta keda bon proteha.

E investigadornan a haci un test tambe pa wak kico ta e diferencia entre cocolishi real y imitacion di cocolishi (traha cu printer 3-D) cu tin forma simpel di bala y di cilinder. Kico tabata e resultado? E casca complica di cocolishi por a wanta casi dos biaha mas hopi presion cu e imitacion di cocolishi cu forma simpel.

Papiando di implementacion di e investigacion aki, e revista Scientific American a bisa: “Si algun dia bo ta coriendo den un auto cu tin forma di cocolishi, sigur lo e ta elegante y diseña specialmente pa proteha e curpanan fragil di su ocupantenan.”

Kico bo ta pensa? E forma di cocolishi a bin di evolucion of di creacion?