DEN pasado e nativonan di Kazakhstan tabata nomada, y pesey te awe tin di nan ta wardador di tou cu ta hiba nan bestianan diferente caminda (dependiendo di e temporada) pa come yerba. Durante zomer nan ta laga nan come yerba den e seronan ya cu no ta dje friu ey, anto ora winter ta acerca, nan ta baha for di sero pa nan bestianan come yerba caminda e temperatura ta net bon.

Aunke algun nativo di Kazakhstan ta biba den stadnan moderno, hopi di nan tradicionnan, platonan crioyo y obranan di man ta un refleho di e estilo di bida nomada di nan antepasadonan. Ademas, nan tin un herencia cultural di poesia, cantica y piezanan musical interpreta pa instrumentonan musical local.

 E yurta of joert, un cas portatil di e nomadanan, a bira e simbolo di hende cu ta respeta y cuida naturaleza. Te awe wardadornan di bestia gusta yurta, y hende cu ta biba den stad hopi biaha ta uza nan pa eventonan special. Turista tambe por pasa vakantie den yurta. Na e obranan di man cu tin parti paden di e yurta bo por mira cu e hende muhernan ta hopi bon den borda, weef y traha tapijt.

Parti paden di un yurta

Famianan cu ta biba den cunucu ta considera nan cabaynan hopi valioso. Tin por lo menos 21 palabra na e idioma Kazak pa cabay; cada un di tin un nificacion un tiki diferente, y tin mas cu 30 palabra y expresion pa describi e color di lana di cabay. Un bon cabay te ainda ta un regalo costoso cu nan ta aprecia hopi. E hende hombernan cu a lanta den cunucu ta siña core cabay fo’i chikito.

E cuminda crioyo di Kazak semper tin carni y no ta pica. Y kumis y shubat ta entre e co’i bebenan faborito di Kazakhstan. Kumis ta traha di lechi di yewa y nan ta bisa cu e ta hopi bon pa salud. Anto shubat ta traha di lechi di camel; e ta diki y un poco zuur.

E sucursal di testigonan di Jehova ta na Almaty, y tur bishitante ta bonbini.

E leopardo di sneeuw cu hende no ta mira facilmente ta pasa zomer den e seronan di Kazakhstan