Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Spierta!  |  Num. 4 2017

 CASUALIDAD OF DISEÑO?

Dicon e Beishi Pollia Tin un Color Blauw Briyante?

Dicon e Beishi Pollia Tin un Color Blauw Briyante?

BO POR haya e beishi chikito di e mata Pollia condensata rond Africa. Aunke e no tin pigment, toch e beishi tin un color blauw bibo cu ningun otro fruta tin. Ta kico ta su secreto?

Pensa un rato riba lo siguiente: E murayanan di cel di e casca di e beishi ta consisti di varios capa di hilonan fini riba otro. E hilonan di cada capa ta core paralel cu otro. Y como cu cada capa ta posiciona di un angulo un poco diferente for di e capa anterior, nan ta forma un spiraal. E hilonan mes no ta blauw pasobra nan no tin pigment. Esey kiermen cu e secreto di su color bibo, metalico y briyante ta den e structura, es decir, den e manera cu e capanan ta montona of poni riba otro. Aunke mayoria di cel ta parce blauw, ora bo wak nan di un otro angulo, algun di nan ta berde, ros of geel debi na e posicion un tiki diferente di cada capa. Ademas, ora bo wak e beishi un tiki mas di cerca, lo bo ripara cu e colornan no ta dje zuiver ey. Nan ta manera e colornan cu bo ta mira riba un pantaya di computer cu ta consisti di pixel.

Como cu e beishi Pollia no tin pigment, e no ta perde su color ora e cay for di e mata. Figura bo, algun beishi cu nan a piki mas cu 100 aña pasa ta mustra mes briyante cu esnan cu bo piki awor! Y segun investigadornan, aunke e beishinan aki no tin carni di fruta, nan simia ta iresistibel pa paharito.

Cientificonan ta pensa cu lo por imita e structura di e color di beishi Pollia pa produci un gran variedad di producto manera tiña cu no ta perde color y papel cu no por ser falsifica.

Kico bo ta pensa? E color blauw briyante di e beishi Pollia a bin di evolucion of di creacion?