Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Spierta!  |  Num. 3 2017

 E PUNTO DI BISTA BIBLICO

Angel

Angel

Bo ta haya angel den literatura, obra di arte y pelicula. Pero ken nan ta, y kico ta nan trabou?

Ken e angelnan ta?

LOKE BIJBEL TA BISA

 

Prome cu Dios Todopoderoso a crea universo y e prome hendenan, ya caba el a crea criaturanan mas inteligente y mas poderoso. Nan ta biba hunto cu Dios den cielo: Esaki ta un luga cu niun hende no por mira ni drenta den dje. (Job 38:4, 7) Bijbel ta yama e spiritonan aki “angelnan.”—Salmo 104:4; 103:20. *

Ta cuanto angel tin? Masha, masha hopi mes. Bijbel ta bisa cu tin “miyones di miyones” of “10.000 biaha 10.000” angel rond di e trono di Dios. (Revelacion 5:11; nota) Si nos tuma e expresion ey literalmente, esey lo kiermen cu tin cientos di miyones di angel.

“Mi a mira hopi angel rond di e trono ... Nan tabata miyones di miyones, y miles di miles.”—Revelacion 5:11.

Ki trabou e angelnan a haci den pasado?

LOKE BIJBEL TA BISA

 

Hopi bes angel a sirbi como vocero of mensahero di Dios. * Tambe Bijbel ta bisa cu Dios a duna nan poder pa haci milager den su nomber. Dios a manda un angel pa bendiciona Abraham y pa stop e di sacrifica su yiu homber Isaak. (Genesis 22:11-18) Ademas, un angel a aparece na Moises den un mata cu tabata na candela pa dun’e un mensahe cu a cambia su bida. (Exodo 3:1, 2) Y ora Daniel a ser tira den e cueba di leon, “Dios a manda su angel y a cera boca di e leonnan.”—Daniel 6:22.

“Y e angel di SEÑOR a aparece na [Moises] den un candela tur na vlam for di meymey di un mata.”—Exodo 3:2.

 Ki trabou e angelnan ta haciendo den e tempo aki?

LOKE BIJBEL TA BISA

 

Nos no sa tur loke e angelnan ta haciendo den nos tempo. Pero loke si nos sa ta cu Bijbel ta bisa cu nan ta yudando hende sincero pa haya sa mas tocante Dios.—Echonan 8:26-35; 10:1-22; Revelacion 14:6, 7.

Den un soño Jehova a laga e patriarca Jacob mira angel ta subi baha un “trapi” entre cielo y Tera. (Genesis 28:10-12) Kisas Jacob a conclui loke nos tambe por conclui: Jehova ta manda angel Tera pa yuda hende leal cu tin mester di su yudansa.—Genesis 24:40; Exodo 14:19; Salmo 34:7.

“Un trapi a wordo poni riba Tera cu su parti di ariba alcansando cielo. Y mira, e angelnan di Dios tabata subi baha riba dje.”—Genesis 28:12.

^ par. 6 Bijbel ta splica cu tin spirito cu a rebeldia contra Dios, y Bijbel ta yama e angelnan malbado aki “e demoñonan.”—Lucas 10:17-20.

^ par. 11 De echo, e palabra original cu Bijbel ta uza na Hebreo y Griego pa e palabra “angel” ta nifica “mensahero.”

Mas Informacion

Kico Bijbel Ta Siña Realmente?

Con Criaturanan Spiritual Ta Influencia Nos

Bijbel ta papia di angel y demoño. E spiritonan aki ta real? Nan por influencia nos bida?