Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Nos Bida y Sirbishi Cristian–Tarea pa Reunion  |  March 2016

 NOS BIDA CRISTIAN

Ban Duna Nos Invitadonan un Bonbini

Ban Duna Nos Invitadonan un Bonbini

Nos ta verwacht cu riba diaranson 23 di maart mas o menos 12 miyon bishitante lo asisti na Memorial. Siguramente nan lo haya un tremendo testimonio ora e orador papia tocante e regalo cu Jehova a duna humanidad mediante e rescate y algun di e futuro bendicionnan cu nos lo disfruta di dje. (Isa 11:6-9; 35:5, 6; 65:21-23; Jn 3:16) Pero no ta e orador so lo duna testimonio na e ocasion special aki. Nos tur lo tin oportunidad pa duna nos invitadonan un caluroso bonbini. (Rom 15:7) Laga nos wak algun manera cu cada un di nos por haci esey.

  • En bes di sinta warda e programa cuminsa, cuminda e invitadonan y esnan inactivo cu un sonrisa amigabel y duna nan un bonbini

  • Duna atencion special na bo invitadonan, pero keda pendiente tambe di personanan presente cu a haya un invitacion durante e campaña. Invita nan pa sinta banda di bo y laga nan wak hunto cu bo den bo Bijbel y buki di cantica

  • Despues di e discurso, ofrece pa contesta cualkier pregunta cu e persona por tin. Si bo congregacion tin cu sali lihe pa un otro congregacion por reuni, traha un afspraak pa sigui papia cu ne un otro dia. Si bo no tin su datonan personal, bo por bis’e: “Mi tin gana di sa con bo a haya e programa. Tin un manera cu mi por tuma contacto cu bo?”