Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Nos Bida y Sirbishi Cristian–Tarea pa Reunion  |  March 2016

 NOS BIDA CRISTIAN

Resureccion Ta Posibel Danki na e Rescate

Resureccion Ta Posibel Danki na e Rescate

E Conmemoracion ta duna nos un bon oportunidad pa medita riba e bendicionnan cu nos lo haya den futuro danki na e rescate. Un di e tantisimo bendicionnan ey ta e resureccion. Nunca tabata Jehova su proposito pa hende muri. Pesey, e dolor di mas intenso cu hende por experencia ta morto di un ser keri. (1Co 15:26) Hesus a sinti duele ora el a mira su discipelnan yora pasobra Lazaro a muri. (Jn 11:33-35) Y como cu Hesus ta un refleho perfecto di su Tata, nos por tin sigur cu Jehova tambe ta sinti duele ora e mira nos sufri pa motibo di morto di un ser keri. (Jn 14:7) Jehova ta anhela e dia cu e lo lanta su sirbidornan for di morto, y nos tambe mester ta ansioso pa e dia ey yega.—Job 14:14, 15.

Jehova ta un Dios di ordo; pesey, nos por tin sigur cu e resureccion lo tuma luga na un manera ordena. (1Co 14:33, 40) Lo no tin entiero mas; al contrario, nos lo yama bonbini na esnan cu a resucita. Abo sa medita riba e resureccion, specialmente ora bo ta tristo? (2Co 4:17, 18) Bo sa gradici Jehova pa e echo cu el a percura e rescate y a mustra nos den Bijbel cu hende morto lo bolbe biba?—Col 3:15.

  • Cua di bo amigo- y famianan bo ta anhela di mira atrobe?

  • Cua personahe di Bijbel bo tin gana di topa y papia cu ne?