Sigui pa e contenido

Sigui pa e di dos menu

Testigonan di Jehova

Papiamento (Aruba)

Sufrimento Lo Caba Algun Dia?

Sufrimento Lo Caba Algun Dia?

Kico bo ta pensa?

  • Si

  • No

  • Kisas

 LOKE BIJBEL TA BISA

“Dios lo ... seca tur lagrima for di nan wowo, y lo no tin morto mas; ni tristeza ni sclamacion ni dolor lo no tin mas.” —Revelacion 21:3, 4, Tradukshon di Mundu Nobo.

LOKE ESAKI POR NIFICA PA NOS

E ta un siguransa cu no ta Dios ta causa nos problemanan.—Santiago 1:13.

E ta un consuelo pa sa cu Dios ta compronde hopi bon con nos ta sinti ora nos ta sufri.—Zacarias 2:8.

E ta duna nos speransa cu tur sufrimento lo caba.—Salmo 37:9-11.

 DI BERDAD NOS POR KERE LOKE BIJBEL TA BISA?

Si, tin por lo menos dos motibo:

  • Dios ta odia sufrimento y inhusticia. Wak con Jehova Dios a sintie ora hende tabata maltrata su pueblo den tempo biblico. Bijbel ta bisa cu el a sinti duele “pa motibo di esnan cu tabata oprimi y afligi nan.”—Huesnan 2:18, Beibel Santu.

    Dios ta masha contra di esnan cu ta haci daño na otro hende. Por ehempel, Bijbel ta bisa cu e ta detesta “mannan cu ta drama sanger inocente.”—Proverbionan 6:16, 17.

  • Dios ta interesa den cada un di nos. No ta cada hende so “conoce su mes afliccion y su mes dolor”, pero Jehova tambe conoce nan!2 Cronicanan 6:29, 30.

    Mediante su Reino, Jehova pronto lo kita sufrimento di cada un di nos. (Mateo 6:9, 10) Mientrastanto, e ta consola tiernamente esnan cu ta busc’e di curason.—Echonan 17:27; 2 Corintionan 1:3, 4.

 ALGO PA PENSA ARIBA

Dicon Dios ta permiti sufrimento?

Bijbel ta contesta e pregunta ey na ROMANONAN 5:12 y 2 PEDRO 3:9.

Mas Informacion

DIOS TIN BON NOTICIA PA NOS!

Dicon Dios Ta Permiti Maldad y Sufrimento?

Con maldad a cuminsa y dicon Dios ta permiti maldad? Lo yega un dia cu no tin maldad y sufrimento mas?