Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Reino di Dios Ya Ta Goberna

Banda robes: Na 1945, Polis ta aresta un ruman na Eindhoven pasobra e tabata predica; Banda drechi: Den bo pais, ley ta proteha bo derecho di predica?

 SECCION 4

Victorianan di Reino—E Lucha pa Establece e Derecho Legal di Predica e Bon Noticia

Victorianan di Reino—E Lucha pa Establece e Derecho Legal di Predica e Bon Noticia

 BO TA predicando di cas pa cas y ta tende un sirena ta zona leu aya. Ora bo cuminsa papia cu e siguiente doño di cas, e zonido di sirena ta yega mas cerca. Un auto di polis ta yega y bo ta ripara cu e ruman cu ta traha hunto cu bo a ser distrai. Un polis ta baha for di e auto y cana bin den boso direccion. E ta bisa: “Ta aboso ta esnan cu ta cana papia tocante Bijbel di cas pa cas? Nos a haya varios keho di boso.” Boso ta contest’e cu respet y ta identifica boso mes como testigo di Jehova. Kico lo pasa cu boso e ora ey?

Esaki ta depende pa un gran parti di historia. Con e gobierno di e pais caminda bo ta biba a trata testigonan di Jehova a traves di añanan? Tin libertad religioso? Si ta asina, esey muy probablemente ta pasobra bo rumannan spiritual a traves di decadanan a traha duro pa “defende e bon noticia y establece e derecho legal di predic’e.” (Flp. 1:7) Sin importa unda bo ta biba, bo por fortalece bo fe door di medita riba e casonan cu testigonan di Jehova a gana den corte. Den e seccion aki, nos lo analisa algun di e casonan ey. Nos victorianan ta duna prueba convencente cu e Reino ta un realidad, pasobra hamas nos lo por tabatin asina tanto exito riba nos mes forsa.

DEN E SECCION AKI

CAPITULO 13

Predicadornan di Reino Ta Bay Corte

Huesnan den algun corte supremo awendia tin e mesun punto di bista cu Gamaliel, e maestro di Ley di antiguedad.

CAPITULO 14

E Pueblo di Dios Ta Apoya e Gobierno di Dios So

Un fuente inespera a guli e “riu” di persecucion cu testigonan di Jehova a enfrenta pa motibo di nan posicion neutral den asuntonan politico.

CAPITULO 15

E Lucha pa Libertad di Religion

E pueblo di Dios a lucha pa e derecho di obedece e ley di e Reino di Dios.