Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Reino di Dios Ya Ta Goberna

Banda robes: Un ruman muher colporteur ta predica na Korea, 1931; Banda drechi: Rumannan predicando na Idioma di Seña na Korea

 SECCION 2

Predicacion di Reino—E Pueblo di Dios Ta Plama e Bon Noticia Rond Mundo

Predicacion di Reino—E Pueblo di Dios Ta Plama e Bon Noticia Rond Mundo

 TA BO dia liber y bo ta preparando mainta trempan pa bay sirbishi. Bo ta sinti bo un poco cansa y ta duda un rato si bo mester bay. Esta dushi lo ta si bo keda cas sosega awe mainta! Pero bo ta haci oracion y ta dicidi di bay toch. Bo ta traha den sirbishi cu un ruman muher di edad, y su fieldad, perseverancia y bondad ta touch bo curason. Segun cu bo ta comparti e mensahe di e berdad di cas pa cas, bo ta realisa cu bo rumannan rond mundo ta compartiendo e mesun mensahe aki y ta uza e mesun literatura. Boso tur ta beneficia di e mesun entrenamento. Bo ta yega cas bek yen di animo y contento cu bo no a keda cas.

Actualmente, e trabou di predica ta e obra principal di e Reino di Dios. Hesus a profetisa cu e bon noticia lo a yega na tur parti di mundo den e ultimo dianan. (Mat. 24:14) Con e profecia ey a cumpli? Den e seccion aki, nos lo analisa ken ta participa den e trabou aki, ki metodo nan ta uza pa haci e trabou y ki materialnan nan ta uza pa predica. E trabou aki ta yuda miyones di persona rond mundo mira e Reino di Dios como un gobierno real.

DEN E SECCION AKI

CAPITULO 6

Un Pueblo Cu Ta Predica—E Predicadornan Ta Ofrece Nan Mes Boluntariamente

Dicon Hesus tabatin sigur cu lo e haya un ehercito di hende cu lo apoy’e boluntariamente den e ultimo dianan? Con bo por demostra cu bo ta buscando prome e Reino?

CAPITULO 7

Algun Metodo di Predica—Nan Ta Uza Tur Medio Posibel

Haya sa tocante e tecnicanan innovativo cu e pueblo di Dios a uza pa yega na mas tanto hende posibel cu e bon noticia prome cu e fin bin.

CAPITULO 8

Material pa Predica—Produciendo Literatura pa Henter Mundo

Con nos trabou di traduccion ta duna prueba cu Hesus ta apoya nos? Kico tocante nos publicacionnan ta un prueba pa bo cu e Reino ta real?

CAPITULO 9

Resultado di e Obra di Predica—“E Cunucunan ... Ta Cla pa Cosecha”

Hesus a siña su discipelnan dos les importante tocante e cosecha spiritual di mas grandi den historia. Ki efecto e lesnan ey tin riba nos?