Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Reino di Dios Ya Ta Goberna

Banda robes: E famia di Betel di Brooklyn a celebra nan ultimo Pasco na 1926; Banda drechi: Hende ta ripara cu testigo di Jehova ta diferente

 SECCION 3

Normanan di e Reino—En Busca di e Husticia di Dios

Normanan di e Reino—En Busca di e Husticia di Dios

 BO TA mira bo bisiña den cura y ta hisa man p’e. Bo a ripara cu den ultimo tempo e ta observa abo cu bo famia. E tambe ta hisa man pa cuminda bo, y e ta yama bo pa bo bin cerca dje. Ora bo yega cerca dje, e ta bisa bo: “Mi tin mag di puntra bo algo? Kico ta haci boso asina diferente?” Bo ta puntr’e ta kico e kiermen. E ta bisa: “Wel, aboso ta testigonan di Jehova, toch? Mi a nota cu boso ta diferente for di otro hende. Boso no ta manera e otro religionnan: Boso no ta celebra dianan di fiesta, boso no ta mete den politica y boso no ta bay guera. Boso no ta huma. Y ta parce cu bo famia ta sigui normanan moral halto. Kico ta loke ta haci aboso asina diferente den tur e cosnan aki?”

Bo sa cu e contesta ta simpel: Nos ta biba na harmonia cu e normanan di e Reino di Dios. Hesus, e Rey, ta refina nos constantemente. E ta yuda nos cana den su pasonan, y esey ta pone cu nos ta diferente for di e mundo malbado aki. Den e seccion aki, nos lo bay mira con e Rey Mesianico ta refinando e pueblo di Dios den sentido spiritual y moral, y con e ta mehorando hasta e parti organisatorio. Tur esaki pa e gloria di Jehova.

DEN E SECCION AKI

CAPITULO 10

E Rey Ta Refina Su Pueblo Spiritualmente

Kico Pasco di Nacemento y cruz tin en comun?

CAPITULO 11

Mehoracion di Normanan Moral—Sirbidornan di Dios Ta Refleha Su Santidad

Desde 1914, e cambernan di guardia y e entradanan di e tempel di e vision di Ezekiel tin nificacion special pa e pueblo di Dios.

CAPITULO 12

Organisa pa Sirbi “e Dios di Paz”

Bijbel no ta haci un contraste entre desordo cu orden, sino entre desordo cu paz. Dicon? Y e contesta riba e pregunta ey tin ki efecto riba cristiannan awe?