Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Reino di Dios Ya Ta Goberna

Banda robes: Un ruman muher na Alabama, Merca, ta laga un hende scucha un discurso di Ruman Rutherford, final di decada di 1930; Banda drechi: Suisa

 SECCION 1

Berdadnan di Reino—Cuminda Spiritual na e Debido Tempo

Berdadnan di Reino—Cuminda Spiritual na e Debido Tempo

 BO STUDIANTE su cara ta cuminsa briya segun cu e ta compronde kico e texto biblico cu boso a caba di lesa hunto ta nifica. E ta puntra na un manera pensativo: “Bo kiermen cu Bijbel ta bisa cu nos por biba pa semper den Paradijs? Aki riba Tera mes?” Cu un smile, e ruman cu ta compaña bo ta puntr’e: “Wel, kico bo a lesa den Bijbel?” Sorprendi, e studiante ta sacudi su cabes, bisando: “Mi no por kere cu nunca ningun hende no a siña mi esaki.” Anto bo ta corda cu algun siman pasa el a bisa e mesun cos ora el a haya sa pa prome biaha cu e nomber di Dios ta Jehova.

E tipo di experencianan ey ta un di e cosnan cu mas ta laga nos mira ki un regalo precioso nos a ricibi, esta, conocemento di e berdad. Hopi ruman a yega di tin un experencia asina. Abo tambe? Pero para keto un rato y puntra bo mes: Con e regalo ey a yega cerca mi? Nos lo analisa e pregunta ey den e seccion aki. E pueblo di Dios a haya comprondemento spiritual gradualmente. E manera cu esey a tuma luga, riba su mes caba, ta un prueba convencente cu e Reino di Dios ta real. Pa 100 aña caba, Hesucristo, Rey di e Reino ey, ta percurando pa e pueblo di Dios siña e berdad.

DEN E SECCION AKI

CAPITULO 3

Jehova Ta Revela Su Proposito

E Reino tabata parti di Dios su proposito original? Ki informacion Hesus a duna tocante e Reino?

CAPITULO 4

Jehova Ta Halsa Su Nomber

Kico e Reino a logra en conexion cu e nomber di Dios? Con abo por yuda santifica e nomber di Jehova?

CAPITULO 5

E Rey Ta Revela Mas Detaye Tocante e Reino

Haya un mihor comprondemento tocante e Reino di Dios y su gobernantenan y su ciudadanonan y tocante kico lealtad na e Reino ta encera.