Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

E Reino di Dios Ya Ta Goberna

Banda Robes: Articulonan di prome necesidad cu nan a manda for di Suisa pa nos rumannan na Alemania, 1946; Banda Drechi: Reconstruccion di un Salon di Reino na Japon despues di un tsunami, 2011

 SECCION 6

Apoyando e Reino—Nos Ta Construi Luganan di Adoracion y Duna Yudansa Ora un Desaster Natural Tuma Luga

Apoyando e Reino—Nos Ta Construi Luganan di Adoracion y Duna Yudansa Ora un Desaster Natural Tuma Luga

 BO TA cana drenta bo Salon di Reino y casi bo no ta reconoce e luga. Semper bo tabata orguyoso di e edificio aki. Bo tin hasta grato recuerdo di tempo cu bo a yuda construye algun aña pasa. Pero awor bo ta mas orguyoso cu nunca di e Salon di Reino, ya cu nan a transform’e temporalmente den un centro di ayudo pa coordina trabounan di auxilio. Recientemente un horcan a causa inundacion y destruccion den bo area, y di biaha e Comite di Sucursal a organisa un manera pa e victimanan di desaster por haya cuminda, paña, awa limpi y otro yudansa. E articulonan cu e centro di ayudo a ricibi di donacionnan ta bon ordena. E rumannan ta drenta un tras di otro y ta haya loke nan tin mester. Hopi di nan ta yora di alegria.

Hesus a bisa cu nan lo reconoce su pueblo na e amor cu nan tin pa otro. (Juan 13:34, 35) Den e seccion aki nos lo bay mira con testigonan di Jehova ta demostra amor cristian den e proyectonan di construccion y durante e trabounan di auxilio. E muestra di amor aki ta un prueba convencente cu nos ta bibando bou di e Reinado di Hesus.

DEN E SECCION AKI

CAPITULO 18

Con e Actividadnan di Reino Ta Ser Financia?

Di unda e placa ta bin? Con ta uz’e?

CAPITULO 19

Trabou di Construccion Cu Ta Duna Gloria na Jehova

Luganan di adoracion ta duna honor na Dios, pero tin algo otro cu e ta balora mas ainda.

CAPITULO 20

Dunamento di Yudansa Ora Desaster Natural Tuma Luga

Kico ta yuda nos compronde cu dunamento di yudansa ta parti di nos sirbishi sagrado na Jehova?