Sigui pa e contenido

Sigui pa e di dos menu

Testigonan di Jehova

Papiamento (Aruba)

Kico e Reino di Dios Ta?

Kico e Reino di Dios Ta?

E Reino ta ...

  • algo den bo curason?

  • e boluntad di Dios?

  • un gobierno den cielo?

 LOKE BIJBEL TA BISA

“E Dios di cielo lo lanta un reino cu nunca lo no wordo destrui.”—Daniel 2:44, Beibel Santu.

“Un yiu homber ta duna na nos, y e gobernacion lo ta riba su schouder.”—Isaias 9:6.

LOKE ESAKI POR NIFICA PA NOS

  • Un gobierno husto cu lo beneficia nos personalmente.—Isaias 48:17, 18.

  • Un bida feliz y cu salud perfecto den e binidero mundo nobo.—Revelacion 21:3, 4.

 DI BERDAD NOS POR KERE LOKE BIJBEL TA BISA?

Si, tin por lo menos dos motibo:

  • Hesus a mustra kico e Reino di Dios lo haci. Hesus a siña su siguidornan pidi pa e Reino di Dios bin y pa e boluntad di Dios sosode riba Tera. (Mateo 6:9, 10) Hesus a mustra con Dios lo contesta e oracion ey.

    Tempo cu Hesus tabata riba Tera, el a alimenta hende cu tabatin hamber, cura hende enfermo y lanta hende for di morto! (Mateo 15:29-38; Juan 11:38-44) Como futuro gobernante di Dios su Reino, Hesus a duna nos un idea di e cosnan bunita cu e Reino lo haci pa su ciudadanonan.—Revelacion 11:15.

  • Sucesonan mundial ta indica cu e Reino di Dios lo bin pronto. Hesus a profetisa cu poco prome cu e Reino trece pas riba Tera lo tin guera, hamber y temblor.—Mateo 24:3, 7.

    E sucesonan ey ta bisto awe. Pesey nos ta mas convenci cu nunca cu pronto e Reino di Dios lo trece fin na tur e problemanan ey.

 ALGO PA PENSA ARIBA

Con bida lo ta bou di e Reino di Dios?

Bijbel ta contesta e pregunta ey na SALMO 37:29 y ISAIAS 65:21-23.

Mas Informacion

PREGUNTA CU BIJBEL TA CONTESTA

Kico Lo Trece Paz na Mundo?

Haya sa con Dios ta priminti pa trece paz na mundo pa medio di su Reino.

DIOS TIN BON NOTICIA PA NOS!

Kico Ta Dios Su Proposito pa Tera?

Bijbel ta splica pakico Dios a crea nos planeta Tera, na ki tempo lo no tin sufrimento mas, kico futuro ta trece cu ne pa planeta Tera y kico ta spera esnan cu lo biba riba dje.