Sigui pa e contenido

Kico Abo Ta Pensa di Bijbel?

Kico Abo Ta Pensa di Bijbel?

Bijbel ta ...

  • un buki di sabiduria di hende?

  • un buki di mito y leyenda?

  • e Palabra di Dios?

 LOKE BIJBEL TA BISA

“Henter e Scritura ta inspira di Dios.”—2 Timoteo 3:16, Tradukshon di Mundu Nobo.

LOKE ESAKI POR NIFICA PA NOS

Nos por haya contesta satisfactorio pa preguntanan importante di bida.—Proverbionan 2:1-5.

Nos por haya guia confiabel pa nos bida di tur dia.—Salmo 119:105.

Nos por haya berdadero speransa pa futuro.—Romanonan 15:4.

 DI BERDAD NOS POR KERE LOKE BIJBEL TA BISA?

Si, tin por lo menos tres motibo:

  • Su harmonia ta impresionante. Mas o menos 40 hende a skirbi Bijbel durante un periodo di 1.600 aña. Mayoria di nan nunca a conoce otro. Pero toch, tur e ideanan den e buki ta na harmonia cu otro y tin un solo tema principal.

  • Su escritornan ta honesto. Historiadornan di mundo hopi biaha no ta menciona e derotanan di nan pueblo. En cambio, escritornan di Bijbel si tabata honesto tocante e fayonan cu tanto nan mes como nan nacion a comete.—2 Cronicanan 36:15, 16; Salmo 51:1-4.

  • Su profecianan semper ta cumpli. Bijbel a profetisa tocante destruccion di e stad Babilonia di antiguedad un 200 aña di antemano. (Isaias 13:17-22) Bijbel no a bisa solamente con Babilonia lo a cay, sino hasta a menciona nomber di esun cu lo a conkist’e!—Isaias 45:1-3.

Hopi otro profecia di Bijbel tambe a cumpli te den e detaye di mas chikito. Esey no ta exactamente loke bo ta spera di e Palabra di Dios?—2 Pedro 1:21.

 ALGO PA PENSA ARIBA

Con e Palabra di Dios por mehora bo bida?

Bijbel ta contesta e pregunta ey na ISAIAS 48:17, 18 y 2 TIMOTEO 3:16, 17.