Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Lesa cu Bo Yiunan

 LES 13

Timoteo Tabata Kier Yuda Hende

Timoteo Tabata Kier Yuda Hende

Timoteo tabata un mucha homber cu gusta yuda hende. El a biaha bay hopi caminda pa yuda hende. Pesey, e tabatin un bida yen di aventura. Bo kier tende su storia?—

Timoteo su mama y su wela a siñ’e di Jehova

Tempo cu Timoteo tabata mucha, el a biba na un stad cu yama Listra. For di tempo cu e tabata chikito, su wela Loida y su mama Eunice a cuminsa siñ’e di Jehova. Segun cu Timoteo tabata crece, el a haya gana di yuda hende siña di Jehova.

Ora Timoteo tabata jong ainda, Pablo a puntr’e si e kier bay predica cu ne na otro pais. Timoteo kier a bay yuda hende, pesey mesora el a bisa si.

 Timoteo a bay hunto cu Pablo na un stad cu yama Tesalonica, na un pais cu tabata yama Macedonia. Pa nan a yega eynan, nan tabatin cu cana hopi y biaha den boto tambe. Ora cu porfin nan a yega, nan a yuda hopi hende siña di Jehova. Pero tin hende na e stad ey cu a rabia y kier a mata nan. Pesey Pablo cu Timoteo mester a bay for di eynan y bay predica otro caminda.

Timoteo su bida tabata yen di aventura

Un par di luna despues, Pablo a pidi Timoteo bay Tesalonica bek pa wak con ta cu e rumannan eynan. Timoteo tabatin mester di hopi curashi pa e bay bek na e stad peligroso ey! Pero el a bay si, pasobra e tabata preocupa pa e rumannan. Ora el a yega bek cerca Pablo, e tabatin bon noticia. Tabata bay hopi bon cu e rumannan na Tesalonica!

Timoteo a traha hopi aña hunto cu Pablo. Un biaha, Pablo a skirbi cu Timoteo ta e mihor hende cu e por a manda pa yuda e congregacionnan pasobra Timoteo a stima Jehova y el a stima hende.

Abo ta stima hende y kier yuda nan siña di Jehova?— Si ta asina, bo tambe por tin un bida hopi feliz, mescos cu Timoteo!

BAN LESA DEN BO BIJBEL

  • 2 Timoteo 1:5; 3:15

  • Echonan 16:1-5; 17:1-10

  • 1 Tesalonicensenan 3:2-7

  • Filipensenan 2:19-22