Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Lesa cu Bo Yiunan

 LES 9

Jeremias No A Stop di Papia Tocante Jehova

Jeremias No A Stop di Papia Tocante Jehova

Dicon e hendenan ta rabia cu Jeremias?

Jehova a yuda Jeremias scapa

Tin biaha, hende ta hari nos of rabia cu nos ora nos papia cu nan di Jehova. E cos ey por pone cu nos no ta haya gana di papia mas tocante Dios. Abo a yega di sinti asina?— Bijbel ta conta nos di un mucha homber cu a stima Jehova, pero cu a hera stop di papia tocante dje. Su nomber ta Jeremias. Ban haya sa mas di dje.

Tempo cu Jeremias tabata un mucha homber jong, Jehova a mand’e bisa e hendenan stop di haci malo. Esey tabata algo hopi dificil pa Jeremias haci, y e tabatin miedo. El a bisa Jehova: ‘Mi no sa kico pa bisa. Ta mucha mi ta.’ Pero Jehova a bis’e: ‘No tene miedo. Ami ta bay yuda bo.’

 Asina ta cu Jeremias a cuminsa bisa e hendenan cu si nan no cambia, Dios ta bay castiga nan. Bo ta kere cu e hendenan a haci loke Jeremias a bisa nan?— No. Nan a harie den su cara y a rabia masha hopi mes cu ne. Tin di nan cu hasta kier a mat’e! Con bo ta kere cu Jeremias a sinti?— E tabatin miedo, y el a bisa: ‘Mi no ta bay papia mas tocante Jehova.’ Pero el a stop berdad?— No, e no a stop. E tabata stima Jehova asina tanto cu e no por a stop di papia tocante dje. Anto ya cu Jeremias no a stop, Jehova a percura pa nada no pas’e.

Por ehempel, un biaha un par di mal hende a tira Jeremias den un buraco hopi hundo mes, yen di lodo. E no tabatin cuminda ni awa. E mal hendenan ey kier a laga Jeremias eyden te ora cu e muri. Pero cu Jehova su yudansa, el a scapa si!

Kico Jeremias su ehempel ta siña bo?— Aunke tin biaha el a sinti miedo, e no a stop di papia di Jehova si. Ora bo ta papia tocante Jehova, kisas hende lo hari bo of rabia cu bo. Y por ta lo bo sinti berguensa y hasta miedo. Pero nunca no stop di papia tocante Jehova. E ta bay yuda bo semper, mescos cu el a yuda Jeremias.

BAN LESA DEN BO BIJBEL

  • Jeremias 1:4-8; 20:7-9; 26:8-19, 24; 38:6-13