Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Lesa cu Bo Yiunan

 LES 4

Un Yiu Cu A Haci Su Tata y Jehova Contento

Un Yiu Cu A Haci Su Tata y Jehova Contento

Kico Jefta ta priminti Jehova aki?

No tabata facil, pero e yiu di Jefta a haci loke cu su tata a priminti

Bo ta wak e mucha muher riba e plachi?— Su tata yama Jefta. Bijbel no ta bisa con e mucha muher mes yama, pero nos sa si cu el a haci su tata y Jehova contento. Ban siña di dje y di su tata, Jefta.

Jefta tabata un bon hende. Tur ora e tabata conta su yiu muher tocante Jehova. Jefta tabatin hopi forsa tambe y e tabata un bon lider. Pesey e hendenan di Israel a pidie pa e ta nan lider ora di bringa contra nan enemigonan.

Jefta a haci oracion y pidi Dios yud’e gana e guera. Jefta a priminti Dios cu si e gana, e ta duna Dios e prome hende cu sali for di su cas pa bin top’e ora e yega bek. E ora ey, e hende ey mester a bay traha na e tabernakel di Dios y keda  biba henter su bida eynan. E tabernakel tabata e luga caminda hende tabata bay adora Dios e tempo ey. Wel, Jefta a gana e guera! Anto ora el a yega cas, bo sa ken ta e prome hende cu a sali for di su cas?—

Si, Jefta su yiu muher! E tabata su unico yiu, anto awor, Jefta mester a mand’e bay biba na e tabernakel. Jefta a bira hopi tristo. Pero el a priminti Dios caba. Mesora, su yiu muher a bis’e, ‘Si Tata a priminti Jehova, Tata tin cu hacie.’

E amiganan di e yiu di Jefta tabata bay bishit’e tur aña

E yiu muher di Jefta tambe a bira tristo. Si e bay biba na e tabernakel, e lo no por casa ni haya yiu. Pero e tabatin hopi gana di haci loke su tata a priminti. Anto e kier a haci Jehova contento. Esey tabata mas importante p’e cu casa y haya yiu. Pesey, el a sali for di su cas y bay biba henter su bida na e tabernakel.

Abo ta kere cu esey a haci su tata y Jehova contento?— Sigur cu si! Si abo ta stima Jehova y bo ta obediente mescos cu e yiu di Jefta, abo tambe lo haci bo tata, bo mama y Jehova hopi contento.

BAN LESA DEN BO BIJBEL

  • Deuteronomio 6:4-6

  • Huesnan 11:30-40

  • 1 Corintionan 7:37, 38