Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Hala Serca Yehova

Prologo

Prologo

Kerido Lector:

Abo tin un relacion intimo cu Dios? Pa hopi hende, esei ta parce casi imposibel. Algun hende ta haya cu e ta mucho leu for di nan; otronan ta sinti nan asina indigno cu nan no ta kere cu un dia nan por hala serca Dios. Sinembargo, Bijbel ta urgi nos na un manera amoroso pa “hala serca Dios y e lo hala serca boso.” (Santiago 4:8) Dios ta asta garantisa su sirbidonan: “Ami ta SEÑOR bo Dios, Kende ta sostene bo man drechi, Kende ta bisa bo: ‘No tene miedo, lo mi yuda bo.’”—Isaias 41:13.

Con nos por yega di tin un relacion intimo asina cu Dios? Wel, cualkier amistad cu nos forma ta basa riba loke nos sa di e persona, di su caracteristicanan unico cu nos ta admira y balora. Pues ta importante pa studia loke Bijbel ta revela tocante e cualidadnan di Dios y e forma cu e ta actua. Ora nos medita riba e manera cu Yehova ta manifesta cada un di su cualidadnan, con Hesucristo a refleha nan perfectamente, y ora nos compronde con nos tambe lo por cultiva nan, nos lo hala mas serca Dios. Nos lo mira cu Yehova ta e Soberano legitimo y ideal di universo. Ademas, e ta e Tata cu nos tur tin mester, pasobra e ta poderoso, husto, sabi y amoroso, y nunca e ta bandona su yiunan fiel.

Ohala e buki aki por yuda bo hala mas y mas serca Yehova Dios, pa bo por forma un relacion inkebrantabel cu ne, cu lo permiti bo biba pa alab’e pa semper.

E Editornan