Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Con Bo Por Logra Felicidad den Famia?

 SECCION 2

Keda Fiel na Otro

Keda Fiel na Otro

“No laga ningun hende separa loke Dios a uni bou di un yugo.”—Marco 10:9

Jehova kier pa nos “stima fieldat.” (Mikeas 6:8, BPK) Fieldad ta hopi importante, specialmente den matrimonio, pasobra caminda no tin fieldad no tin confianza. Y si no tin confianza, amor no por crece.

Awendia tin tur sorto di cos cu por influencia parehanan pa bira infiel na otro. Pa bo proteha bo matrimonio, bo mester ta determina pa haci dos cos.

 1 DUNA BO MATRIMONIO PRIORIDAD

LOKE BIJBEL TA BISA: “Haci sigur kico ta e cosnan mas importante.” (Filipensenan 1:10) Bo matrimonio ta un di e cosnan di mas importante den bo bida. Dun’e prioridad!

Jehova kier pa bo duna bo casa hopi atencion y pa boso “gosa di bida” hunto. (Eclesiastes 9:9, BPK) Bijbel ta mustra na un manera cla cu nunca bo mester neglisha bo casa. Al contrario, boso tin cu busca manera pa haci otro feliz. (1 Corintionan 10:24) Laga bo casa sinti cu bo ta apreci’e y cu bo tin mester di dje.

LOKE BO POR HACI:

  • Haci sigur cu regularmente boso ta pasa tempo hunto y cu na momentonan asina bo casa tin tur bo atencion

  • Pensa riba boso dos y no solamente riba bo mes

 2 PROTEHA BO CURASON

LOKE BIJBEL TA BISA: “Ken cu sigui wak un muher cu pasion, ya caba a comete adulterio cu ne den su curason.” (Mateo 5:28) Si un hende keda pensa riba cos inmoral, den un sentido ya e ta infiel na su casa.

Jehova kier pa bo proteha bo curason. (Proverbionan 4:23; Jeremias 17:9) Con? Wel, bo mester tene cuidou kico bo ta wak. (Mateo 5:29, 30) Sigui ehempel di e patriarca Job. El a cera un pacto cu su wowo pa nunca wak un otro hende muher cu deseo inmoral. (Job 31:1) Sea determina pa nunca wak pornografia. Ademas, nunca cuminsa un relacion romantico cu un persona cu no ta bo casa.

LOKE BO POR HACI:

  • Laga hende mira bon cla cu bo ta determina pa keda fiel na bo casa

  • Tene cuenta cu sintimento di bo casa, y si bo amistad cu un otro hende ta pone bo casa sintie incomodo, caba di biaha cu e amistad ey