Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Con Bo Por Logra Felicidad den Famia?

 SECCION 1

Ken Por Yuda Boso Haya Felicidad den Matrimonio?

Ken Por Yuda Boso Haya Felicidad den Matrimonio?

“Esun cu a crea hende na principio a traha nan homber y muher.”—Mateo 19:4

Ta Jehova * Dios a casa e prome pareha. Bijbel ta bisa cu el a traha e prome muher y a “hib’e pa e homber.” Adam a keda asina contento cu el a bisa: “Esaki ta awor weso di mi wesonan, y carni di mi carni.” (Genesis 2:22, 23) Awe tambe Jehova kier pa parehanan casa ta feliz.

Hopi hende ta pensa cu ora nan casa, nan bida lo ta manera un storia di fantasia y cu tur cos lo bay bon. Pero den bida real, hasta parehanan casa cu ta stima otro un mundo lo haya problema de bes en cuando. (1 Corintionan 7:28) Den e foyeto aki lo bo haya varios principio biblico (conseho, mandamento, norma of siñansa di Bijbel) cu por yuda boso. Si aboso biba di acuerdo cu esakinan, boso por logra felicidad den matrimonio y den boso famia.—Salmo 19:8-11.

 1 CUMPLI CU E PAPEL CU JEHOVA A DUNA BOSO

LOKE BIJBEL TA BISA: Esposo ta cabes di famia.—Efesionan 5:23.

Esposo, Jehova ta verwacht cu bo ta percura bon pa bo esposa y pa bo trat’e cu cariño. (1 Pedro 3:7) Dios a trah’e pa e ta bo ayudante, y Dios kier pa bo trat’e cu dignidad y amor. (Genesis 2:18) Bo mester stima bo casa asina tanto cu bo ta pone su bienestar prome cu esun di bo.—Efesionan 5:25-29.

Esposa, Jehova ta verwacht pa bo mustra respet profundo pa bo esposo y pa bo yud’e cumpli cu su papel. (1 Corintionan 11:3; Efesionan 5:33) Ora bo esposo tuma un decision, apoy’e y coopera cu ne cu henter bo curason. (Colosensenan 3:18) Si bo haci esey, lo bo ta di gran balor tanto den bista di bo esposo como den bista di Jehova.—1 Pedro 3:1-6.

LOKE BO POR HACI:

  • Puntra bo casa kico bo por haci pa bo ta un mihor esposo of esposa. Scuch’e cu atencion, y haci tur loke bo por pa mehora

  • Tene pasenshi. No ta di un dia pa otro boso ta siña con pa haci otro feliz

2 TENE CUENTA CU SINTIMENTO DI BO CASA

LOKE BIJBEL TA BISA: Ta importante pa bo tene cuenta cu deseo- y necesidadnan di bo casa. (Filipensenan 2:3, 4) Corda cu Jehova kier pa su sirbidornan ta “amabel cu tur hende.” Pesey, trata bo casa bon. (2 Timoteo 2:24) “Tin hende ta papia sin pensa, manera hinca di spada, ma lenga di hende sabi ta trece curamento.” Pues, pensa prome cu bo papia. (Proverbionan 12:18) Jehova su spirito santo lo yuda bo papia cu bondad y amor.—Galationan 5:22, 23; Colosensenan 4:6.

LOKE BO POR HACI:

  • Prome cu bo papia tocante un asunto importante cu bo casa, pidi Dios yuda bo keda trankil y pa bo scucha bon prome cu saca conclusion

  • Pensa bon kico bo ta bay bisa y con lo bo bis’e

 3 CORDA CU BOSO DOS TA UN TEAM

LOKE BIJBEL TA BISA: Ora boso casa, boso ta bira “un carni.” (Mateo 19:5) A pesar di esey, tin biaha cada un di boso lo tin su mes opinion. Pues, ta importante pa boso siña pa ta uni den loke boso ta pensa y sinti. (Filipensenan 2:2) Union ta esencial ora di tuma decision. Bijbel ta bisa: “Traha plan door di busca conseho.” (Proverbionan 20:18) Ora boso tin cu tuma decision importante, haci esey hunto y laga e principionan di Bijbel guia boso.—Proverbionan 8:32, 33.

LOKE BO POR HACI:

  • Ora bo ta papia cu bo casa, lag’e sa kico bo ta sinti y no djis dun’e informacion of bis’e bo opinion

  • Prome cu bo traha un afspraak, papia cu bo casa

^ par. 4 Bijbel ta bisa cu Dios su nomber ta Jehova.

Mas Informacion

E TOREN DI VIGILANCIA

Con Bo Por Ta un Bon Esposo?

Esposonan mester percura bon pa nan famia, tanto materialmente como emocionalmente.

PREGUNTA CU BIJBEL TA CONTESTA

Bijbel Por Haci Mi Famia Feliz?

Conseho sabi di Bijbel ya caba a yuda miyones di hende homber y muher haci nan famia feliz.