Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Dios Tin Bon Noticia pa Nos!

 LES 15

Dicon Bo Tin cu Sigui Studia Bijbel?

Dicon Bo Tin cu Sigui Studia Bijbel?

1. Pakico ta bon pa bo sigui studia Bijbel?

Sin duda, e analisis aki di e siñansanan basico di Bijbel a pone bo haya mas amor pa Jehova. Pero e amor ey mester sigui crece. (1 Pedro 2:2) Bo estudio di Bijbel lo yuda bo sigui hala cerca Dios, y esey lo duna bo e speransa di haya bida eterno.—Lesa Juan 17:3; Judas 21.

Segun cu bo ta haya mas conocemento di Dios, bo fe lo bira mas firme, y esey lo yuda bo agrada Dios. (Hebreonan 11:1, 6) Ademas, bo fe lo motiva bo pa arepenti di bo picanan y haci cambio den bo manera di biba.—Lesa Echonan 3:19.

2. Con e conocemento cu bo tin di Dios por beneficia otro hende?

Bo por haya un relacion special cu Jehova

No ta nada straño cu bo tin gana di comparti loke bo a siña cu otro hende. Nos tur ta gusta duna otro hende un bon noticia. Segun cu bo sigui studia Bijbel, lo bo siña con pa uz’e pa splica otro hende tocante bo fe den Jehova y e bon noticia di Reino.—Lesa Romanonan 10:13-15.

Mayoria di hende ta cuminsa comparti e bon noticia cu amigo y famia. Haci esey cu tacto. Pues, en bes di bisa nan cu nan creencianan ta robes, ta bon pa papia cu nan tocante e promesanan di Dios. Corda tambe cu hopi biaha hende ta keda mas impresiona cu bo trato amabel cu loke bo ta bisa nan.—Lesa 2 Timoteo 2:24, 25.

3. Ki relacion bo por tin cu Dios?

E conocemento cu bo ta haya di Bijbel lo yuda bo crece spiritualmente. Cu tempo, bo por haya un relacion masha special cu Jehova. De echo, lo bo por bira parti di su famia.—Lesa 2 Corintionan 6:18.

 4. Con bo por sigui progresa?

Segun cu bo ta sigui studia e Palabra di Dios, bo ta progresa spiritualmente. (Hebreonan 5:13, 14) Pidi un Testigo di Jehova studia Bijbel cu bo cu yudansa di e buki Kico Bijbel Ta Siña Realmente? Mas conocemento bo haya di e Palabra di Dios, mas exito lo bo tin den bida.—Lesa Salmo 1:1-3; 73:27, 28.

E bon noticia ta bin di Jehova, e Dios feliz. Mas bo asocia cu su pueblo, mas estrecho bo relacion cu ne lo bira. (Hebreonan 10:24, 25) Anto si bo sigui haci esfuerso pa agrada Jehova, bo por haya un gara firme riba loke realmente ta bida, esta, bida eterno. Pues, hala cerca Dios! No tin nada mas mihor cu esey.—Lesa 1 Timoteo 1:11; 6:19.

 

Mas Informacion

REUNION

Kico Ta Sosode na un Salon di Reino?

Tira un bista y haya sa.

CURSO DI BIJBEL

Dicon Analisa Loke Bijbel Ta Bisa?

Bijbel ta duna contesta pa e preguntanan importante di bida na miyones di hende rond mundo. Abo kier ta un di nan?

Kico Bijbel Ta Siña Realmente?

Hala Serca Dios den Oracion

Dios ta scucha ora nos haci oracion? Pa haya contesta pa e pregunta ey, bo mester compronde prome loke Bijbel ta siña tocante oracion.