Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Dios Tin Bon Noticia pa Nos!

 LES 9

Con Bo Por Tin un Famia Feliz?

Con Bo Por Tin un Famia Feliz?

1. Dicon ta importante pa un pareha ta casa pa nan ta feliz?

E bon noticia ta bin di Jehova, e Dios feliz, cu kier pa tur famia ta feliz. (1 Timoteo 1:11) E ta esun cu a establece matrimonio. Un matrimonio legal ta esencial pa e felicidad di un famia, pasobra e ta duna tanto e pareha como e yiunan un sintimento di siguridad. Cristiannan tin cu cumpli cu e leynan local relaciona cu registracion di matrimonio.—Lesa Lucas 2:1, 4, 5.

Con Dios ta mira matrimonio? E kier pa e union entre un homber y un muher ta algo permanente. Jehova kier pa esposo y esposa ta fiel na otro. (Hebreonan 13:4) E ta odia divorcio. (Malakias 2:16) Pero e ta permiti un cristian divorcia y bolbe casa si su casa comete adulterio.—Lesa Mateo 19:3-6, 9.

2. Con esposo cu esposa mester trata otro?

Jehova a crea homber y muher di tal manera cu nan ta pas cu otro den matrimonio; pues cada un tin cu cumpli cu su papel. (Genesis 2:18) Como cabes di cas, e esposo ta esun principalmente responsabel pa percura pa e necesidadnan material di su famia y pa siña nan tocante Dios. Ademas, amor pa su esposa ta pone cu e mester ta dispuesto pa haci sacrificio. Esposo y esposa mester stima otro y respeta otro. Como cu nan ta imperfecto, nan mester siña pordona otro si nan kier pa nan matrimonio ta feliz.—Lesa Efesionan 4:31, 32; 5:22-25, 33; 1 Pedro 3:7.

3. Bo mester pone fin na un matrimonio cu no ta feliz?

Si bo tin problema den bo matrimonio, tanto abo como bo casa mester haci esfuerso pa trata otro cu amor. (1 Corintionan  13:4, 5) E Palabra di Dios no ta recomenda separacion como un manera pa soluciona problema cu sa presenta den matrimonio.—Lesa 1 Corintionan 7:10-13.

4. Muchanan, kico Dios ta desea pa boso?

Jehova kier pa boso ta feliz. Pesey, e ta duna boso e mihor conseho cu boso por haya pa boso por gosa di boso hubentud. Tambe e ta desea pa boso probecha di e sabiduria y experencia di boso mayornan. (Colosensenan 3:20) Ademas, Jehova kier pa boso sinti e goso di haci e boluntad di boso Creador y di su Yiu.—Lesa Eclesiastes 11:9–12:1; Mateo 19:13-15; 21:15, 16.

5. Mayornan, con boso yiunan por ta feliz?

Boso mester traha duro pa percura cuminda, cas y paña pa boso yiunan. (1 Timoteo 5:8) Pero pa nan por ta feliz, esey so no ta basta. Tambe boso tin cu siña nan stima Dios y imita su cualidadnan. (Efesionan 6:4) E ehempel cu boso ta pone den mustra amor pa Dios por tin un influencia profundo riba curason di boso yiunan. Ora boso instruccion ta basa riba e Palabra di Dios, esey por tin un efecto positivo riba boso yiunan.—Lesa Deuteronomio 6:4-7; Proverbionan 22:6.

Lo bay bon cu boso yiunan ora boso ta anima nan y elogia nan pa e cosnan bon cu nan ta haci. Tin biaha yiunan tin mester di coreccion y disciplina tambe. Asina, nan ta evita di haci cosnan cu por kita nan felicidad. (Proverbionan 22:15) Sinembargo, nunca disciplina mester ta demasiado severo of cruel.—Lesa Colosensenan 3:21.

Testigonan di Jehova a publica varios buki specialmente dirigi na mayornan y yiunan. Tur e bukinan aki ta basa riba Bijbel.—Lesa Salmo 19:7, 11.

 

Mas Informacion

CON BO POR LOGRA FELICIDAD DEN FAMIA?

Ken Por Yuda Boso Haya Felicidad den Matrimonio?

Dos pregunta simpel cu por yuda boso mehora boso matrimonio.

CON BO POR LOGRA FELICIDAD DEN FAMIA?

Con pa Resolve Problema

Si boso matrimonio lo ta feliz of no, ta depende di e manera cu boso ta purba di resolve problema.

Kico Bijbel Ta Siña Realmente?

Con pa Haci Bo Bida di Famia Felis

E amor cu Hesus a demostra ta un bon ehempel pa esposonan, esposanan, mayornan y yiunan imita. Kico nos por siña for di dje?