Sigui pa e contenido

Sigui pa e di dos menu

Testigonan di Jehova

Papiamento (Aruba)

Bou di Control di Ken Mundo Ta en Realidad?

Bou di Control di Ken Mundo Ta en Realidad?

Bo ta kere cu e ta bou di control di ...

  • Dios?

  • hende?

  • un otro ser?

 LOKE BIJBEL TA BISA

“Mundo ta bou di control di e Malbado.”—1 Juan 5:19, Beibel Santu.

“Ta pa destruí diabel su obranan mes Hesus a bini.”—1 Juan 3:8, Beibel na papiamentu koriente.

LOKE ESAKI POR NIFICA PA NOS

E ta un splicacion logico pa e problemanan di mundo. —Revelacion 12:12.

E ta duna nos motibo pa kere cu nos mundo lo cambia y bira mihor. —1 Juan 2:17.

 DI BERDAD NOS POR KERE LOKE BIJBEL TA BISA?

Si, tin por lo menos tres motibo:

  • E dianan di Satanas su gobierno ta conta. Jehova ta determina pa pone un fin na e dominio cu Satanas tin riba humanidad. El a priminti cu e lo “caba cu ... Diabel”, y cu e lo drecha tur e daño cu Satanas a causa.—Hebreonan 2:14, Tradukshon di Mundu Nobo.

  • Dios a scoge Hesucristo pa goberna mundo. Hesus no ta un lider cruel ni egoista manera e gobernante di e mundo aki. Al contrario, ora Hesus goberna, Dios ta priminti cu Hesus “lo tin compasion di e pober y di esun den necesidad ... E lo rescata nan bida for di opresion y violencia.”—Salmo 72:13, 14.

  • Dios no por gaña. Bijbel ta bisa bon cla cu “ta imposibel pa Dios gaña.” (Hebreonan 6:18) Ora Jehova priminti di haci algo, ta comosifuera el a cumpli cu ne caba! (Isaias 55:10, 11) Pues, e “lo bay saca e gobernante di e mundo aki afo.”—Juan 12:31.

 ALGO PA PENSA ARIBA

Con mundo lo bira despues di destruccion di su gobernante?

Bijbel ta contesta e pregunta ey na SALMO 37:10, 11 y REVELACION 21:3, 4.

 

Mas Informacion

DIOS TIN BON NOTICIA PA NOS!

Kico Ta Dios Su Proposito pa Tera?

Bijbel ta splica pakico Dios a crea nos planeta Tera, na ki tempo lo no tin sufrimento mas, kico futuro ta trece cu ne pa planeta Tera y kico ta spera esnan cu lo biba riba dje.