Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Ken Awe Ta Haci e Boluntad di Jehova?

 LES 16

Kico Ta Tarea di Sirbidornan Ministerial?

Kico Ta Tarea di Sirbidornan Ministerial?

Myanmar

Parti na reunion

Grupo di sirbishi

Mantencion di Salon di Reino

Bijbel ta papia di dos grupo di homber cristian cu ta percura pa e responsabilidadnan di congregacion: superintendente y sirbidor ministerial. (Filipensenan 1:1) Generalmente, den cada congregacion tin anciano y sirbidor ministerial. Ki trabou sirbidornan ministerial ta haci pa nos bienestar?

Nan ta yuda e cuerpo di anciano. Sirbidornan ministerial ta ruman hombernan spiritualmente fuerte, confiabel y diligente. Algun di nan ta jong; otronan tin mas edad. Nan ta haci diferente tarea importante di caracter administrativo y organisatorio cu tin di haber cu e congregacion. Esaki ta permiti ancianonan enfoca riba nan responsabilidad di siña y pastorea e congregacion.

Nan ta duna yudansa practico. Algun sirbidor ministerial tin e tarea di yama tur hende cu asisti na reunion bonbini. Otronan ta atende cu ekipo di zonido, literatura, cuenta di congregacion y teritorio pa predica. Nan ta yuda tambe den mantencion di e Salon di Reino. Ademas, ancianonan por pidi nan pa yuda rumannan di edad. Sirbidornan ministerial ta dispuesto pa haci tur tarea cu nan ricibi, y e congregacion ta respeta nan pa nan trabou diligente y nan bon actitud.—1 Timoteo 3:13.

Nan ta pone bon ehempel como hombernan cristian. Ta nombra ruman homber como sirbidor ministerial a base di nan bon cualidadnan cristian. Nan partinan na reunion ta fortalece nos fe. E manera cu nan ta guia nos den sirbishi di veld ta duna nos mas entusiasmo. Y e echo cu nan ta cla pa coopera cu e cuerpo di anciano ta promove goso y union. (Efesionan 4:16) Cu tempo, nan tambe por cualifica pa sirbi como anciano.

  • Ki sorto di ruman homber sirbidornan ministerial ta?

  • Con e sirbidornan ta yuda pa cosnan cana bon den congregacion?