Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Ken Awe Ta Haci e Boluntad di Jehova?

 LES 15

Con Ancianonan Ta Sirbi e Congregacion?

Con Ancianonan Ta Sirbi e Congregacion?

Finlandia

Nan ta siña nos

Nan ta pastorea nos

Nan ta predica hunto cu nos

Den nos organisacion, no tin clero cu ta cobra salario. Mescos cu tabata e caso tempo e congregacion cristian a cuminsa, awe tambe superintendentenan, of ancianonan, cualifica ta ser nombra “pa pastorea e congregacion di Dios.” (Echonan 20:28) Ancianonan ta ruman hombernan spiritualmente maduro cu ta dirigi y pastorea e congregacion cristian, “no obliga, sino di buena gana; no pa amor pa ganashi deshonesto, sino cu entusiasmo.” (1 Pedro 5:1-3) Ki sirbishi nan ta rindi na nos bienestar?

Nan ta cuida y proteha nos. Ancianonan ta guia e congregacion cristian y ta yuda proteh’e den sentido spiritual. Nan ta consciente cu ta Dios a confia nan cu e tarea importante aki. Pesey, nan no ta manda riba e pueblo di Dios; mas bien, nan ta contribui na nos bienestar y goso. (2 Corintionan 1:24) Mescos cu un wardador di carne ta cuida cada un di su carnenan, asina tambe ancianonan ta haci esfuerso pa siña conoce y mustra interes den cada un di e miembronan di congregacion.—Proverbionan 27:23.

Nan ta siña nos con pa haci e boluntad di Dios. Tur siman, ancianonan ta dirigi e reunionnan di congregacion pa asina fortalece nos fe. (Echonan 15:32) Ademas, e rumannan dedica aki ta dirigi e actividad di predica, ta traha hunto cu nos y ta entrena nos den tur aspecto di sirbishi.

Nan ta duna nos animacion personal. Pa e ancianonan di nos congregacion por duna cada un di nos e yudansa spiritual y e consuelo cu nos tin mester for di e Palabra di Dios, nan ta bishita nos na nos cas of ta papia cu nos na Salon di Reino.—Santiago 5:14, 15.

Banda di nan trabou den congregacion, mayoria di anciano tin tambe nan trabou y responsabilidadnan di famia cu ta exigi tempo y atencion di nan. E ruman hombernan diligente aki merece nos respet.—1 Tesalonicensenan 5:12, 13.

  • Kico ta tarea di un anciano di congregacion?

  • Con ancianonan ta mustra interes personal den nos?

Mas Informacion

PREGUNTA CU HOPI HENDE SA HACI

Con e Congregacionnan di Testigo di Jehova Ta Organisa?

Haya sa con nos ta ricibi guia y instruccion pa medio di e organisacion.

Kico Bijbel Ta Siña Realmente?

Bautismo y Bo Relacion cu Dios

Ki pasonan bo mester dal pa cualifica pa bautismo? Haya sa kico bautismo ta simbolisa y con e mester tuma luga.