Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Kico Bijbel Ta Siña Realmente?

 APENDIX

Ken Ta e Arcangel Miguel?

Ken Ta e Arcangel Miguel?

E CRIATURA spiritual yama Miguel no ta aparece hopi biaha den Bijbel. Sinembargo, ki ora cu Bijbel a mencion’e, e ta haciendo algo. Den e buki di Daniel, Miguel ta lucha contra angelnan malbado; den e carta di Hudas, e ta discuti cu Satanas; y den Revelacion, e ta hiba un guera contra Diabel y su demoñonan. Door di defende Yehova su gobernacion y lucha contra Dios su enemigonan, Miguel ta biba di acuerdo cu e nificacion di su nomber: “Ken Ta Manera Dios?” Pero ken Miguel ta?

Tin biaha, personanan ta conoci na mas cu un nomber. Por ehempel, patriarca Yacob ta conoci tambe como Israel, y apostel Pedro, como Simon. (Genesis 49:1, 2; Mateo 10:2) Asina tambe Bijbel ta indica cu Miguel ta un otro nomber pa Hesucristo, prome y despues di su bida riba tera. Laga nos considera motibonan biblico pa yega na e conclusion ei.

Arcangel. E Palabra di Dios ta referi na Miguel “e arcangel.” (Hudas 9) E palabra aki ta nifica “angel principal.” Tuma nota cu Bijbel ta yama Miguel e arcangel. Esaki ta parce di indica cu ta un arcangel so tin. De echo, e palabra “arcangel” ta aparece den Bijbel solamente den forma singular, nunca na plural. Ademas, Bijbel ta liga Hesus cu e puesto di arcangel. Relaciona cu e Señor Hesucristo resusita, 1 Tesalonicensenan 4:16 ta declara: “Señor mes lo baha for di shelo cu un grito, cu bos di arcangel.” Pues Bijbel ta describi  e bos di Hesus como bos di arcangel. E texto aki ta sugeri anto cu Hesus mes ta e arcangel Miguel.

Lider di ehersito. Bijbel ta declara cu “Miguel y su angelnan tawata haci guera contra e dragon . . . y su angelnan.” (Revelacion 12:7) Pues, Miguel ta e Lider di un ehersito di angel fiel. Revelacion ta describi Hesus tambe como e Lider di un ehersito di angel fiel. (Revelacion 19:14-16) Y apostel Pablo spesificamente ta menciona “Señor Hesus” y “su angelnan poderoso.” (2 Tesalonicensenan 1:7) Pues Bijbel ta papia tanto di Miguel y “su angelnan” como di Hesus y “su angelnan.” (Mateo 13:41; 16:27; 24:31; 1 Pedro 3:22) Siendo cu e Palabra di Dios no ta indica ningun caminda cu den shelo tin dos ehersito di angel fiel—uno encabesa pa Miguel y un otro encabesa pa Hesus—ta logico pa conclui cu Miguel no ta ningun otro cu Hesucristo den su papel celestial. *

^ par. 1 Mas informacion cu ta mustra cu e nomber Miguel ta aplica na e Yiu di Dios, nos ta haya den e buki Perspicasia pa Compronde e Scritura, na Spaño, Volumen 2, pagina 386-387, publica door di Testigonan di Yehova.