Sigui pa e contenido

Sigui pa e di dos menu

Sigui pa e index

Testigonan di Jehova

Papiamento (Aruba)

Kico Bijbel Ta Siña Realmente?

 APENDIX

1914—Un Aña Significativo den Profecia Biblico

1914—Un Aña Significativo den Profecia Biblico

DECADANAN di antemano, studiantenan di Bijbel a proclama cu desaroyonan significativo lo tuma luga na aña 1914. Kico esakinan tawata, y ki evidencia tin cu ta señala 1914 como un aña asina importante?

Manera ta para skirbi na Lucas 21:24, Hesus a bisa: “Herusalem lo wordo trapa door di e paganonan te ora cu e temponan  di e paganonan keda cumpli.” Herusalem tawata e ciudad capital di e nacion Hudiu, e asiento di gobernacion di e liña di reinan cu a bin for di e cas di Rei David. (Salmo 48:1, 2) Sinembargo, e reinan aki tawata unico entre e lidernan di e nacionnan rond di nan. Nan a sinta riba ‘e trono di Yehova’ como Dios su representante. (1 Cronicanan 29:23) Herusalem tawata pues un simbolo di Yehova su gobernacion.

Pero con y na ki tempo Dios su gobernacion a cuminsa “wordo trapa door di e paganonan”? Esaki a sosode na aña 607 prome cu nos era, ora cu Babilonia a conkista Herusalem. ‘E trono di Yehova’ a keda bashi, y e liña di reinan cu a bin for di David a wordo interumpi. (2 Reinan 25:1-26) E ‘trapamento’ aki lo a sigui pa semper? No, pasobra e profecia di Ezekiel a bisa relaciona cu Sedekias e ultimo rei di Herusalem: “Los turband y kita corona . . . Esaki tampoco lo no t’ei mas, te ora cu esun bin cu tin derecho riba dje; y lo mi dun’e esei.” (Ezekiel 21:26, 27) Esun  cu “tin derecho riba” e corona cu a pertenece na e desendencia di David ta Cristo Hesus. (Lucas 1:32, 33) Pues ‘e trapamento’ lo a termina ora Hesus bira Rei.

Na ki tempo e gran suseso ei lo a tuma luga? Hesus a mustra cu e paganonan lo a goberna pa un periodo fiho di tempo. E relato na Daniel capitulo 4 ta contene e yabi pa haya sa con largo e periodo ei lo a dura. E relato ta conta di un soño profetico cu Rei Nabucodonosor di Babilonia tawatin. El a mira un palo inmenso cu nan a kap basha abou. Su troncon no por a crece pasobra nan a pone un banchi di hero y brons rond di dje. Un angel a declara: “Laga shete periodo di tempo pasa riba dje.”—Daniel 4:10-16.

Den Bijbel, palo tin biaha ta representa gobernacion. (Ezekiel 17:22-24; 31:2-5) Pues e bashamento abou di e palo simbolico ta representa con Dios su gobernacion, expresa mediante e reinan na Herusalem, lo a ser interumpi. Sinembargo, e vision a anuncia cu e ‘trapamento aki di Herusalem’ lo ta temporal, esta, “shete periodo di tempo.” Con largo esei tawata?

Revelacion 12:6 y 14 ta indica cu tres tempo y mei ta igual cu “1.260 dia.” “Shete periodo di tempo” lo ta anto dos biaha mas largo, esta, 2.520 dia. Pero e nacionnan pagano no a stop di “trapa” riba Dios su gobernacion despues di apenas 2.520 dia di e caida di Herusalem. Evidentemente anto, e profecia aki ta abarca un periodo di tempo hopi mas largo. A base di Numbernan 14:34 y Ezekiel 4:6, cuanan ta papia di “un aña pa cada dia”, e “shete periodo di tempo” lo a abarca 2.520 aña.

E 2.520 aña a cuminsa na october 607 P.E.C., tempo cu Herusalem a cai den man di Babilonia y nan a kita e rei di e liña di desendencia di David for di riba su trono. E periodo aki a termina na october 1914. Na e tempo ei “e temponan di e paganonan” a termina, y Hesucristo a keda instala como Dios su Rei celestial. *Salmo 2:1-6; Daniel 7:13, 14.

 Precis manera Hesus a predeci, su “binida” como Rei celestial a ser caracterisa pa desaroyonan mundial dramatico—guera, hamber, temblor, pestilencia. (Mateo 24:3-8; Lucas 21:11) E desaroyonan ei ta duna testimonio fuerte di e echo cu aña 1914 en berdad a marca nacemento di Dios su Reino celestial y comienso di “e ultimo dianan” di e actual sistema di cosnan malbado.—2 Timoteo 3:1-5.

^ par. 4 Di october 607 P.E.C. pa october 1 P.E.C. ta 606 aña. Como cu no tin aña cero, di october 1 P.E.C. pa october 1914 E.C., ta 1.914 aña. Ora nos agrega 606 aña na 1.914 aña, nos ta haya 2.520 aña. Pa mas informacion riba e caida di Herusalem na 607 P.E.C., wak e articulo “Cronologia” den Perspicasia pa Compronde e Scritura, na Spaño, publica door di Testigonan di Yehova.