Sigui pa e contenido

Sigui pa e di dos menu

Testigonan di Jehova

Papiamento (Aruba)

Kico Ta e Proposito di Bida?

Kico Ta e Proposito di Bida?

E contesta cu Bijbel ta duna

Hende sa haci nan mes e pregunta aki den varios manera: Dicon nos ta na bida? Of, mi bida tin proposito? Bijbel ta bisa cu nos proposito den bida ta pa bira amigo di Dios. Laga nos wak algun di e berdadnan importante cu Bijbel ta papia di dje.

  • Dios ta nos Creador. Bijbel ta bisa di dje: “[Dios] ta esun cu a traha nos, y no ta nos a traha nos mes.”​—Salmo 100:3, Beibel Santu; Revelacion 4:11.

  • Dios tin un proposito pa tur loke el a crea; pa nos tambe.​—Isaias 45:18.

  • Dios a crea nos cu un “necesidad spiritual” cu ta inclui e deseo pa haya proposito den bida. (Mateo 5:3) E kier pa nos satisface e deseo ey.​—Salmo 145:16.

  • Nos ta satisface nos necesidad spiritual segun cu nos ta desaroya un amistad cu Dios. Aunke e idea di ta Dios su amigo por parce imposibel pa algun hende, Bijbel ta anima nos: “Hala cerca Dios, y lo e hala cerca boso.”​—Santiago 4:8; 2:23.

  • Pa nos por bira amigo di Dios, nos mester biba na harmonia cu e proposito cu e tin pa hende. Bijbel ta papia di e proposito aki na Eclesiastes 12:13: “Teme e Dios berdadero y warda su mandamentonan. Pasobra esaki ta na kada persona.”​—Bijbel Santu

  • Pronto nos por mira Dios su proposito original cumpli ora e caba cu tur sufrimento y duna bida eterno na su amigonan, esta, hende cu ta sirbie.​—Salmo 37:10, 11.

 

Mas Informacion

CURSO DI BIJBEL

Dicon Analisa Loke Bijbel Ta Bisa?

Bijbel ta duna contesta pa e preguntanan importante di bida na miyones di hende rond mundo. Abo kier ta un di nan?

DIOS TIN BON NOTICIA PA NOS!

Kico Ta Dios Su Proposito pa Tera?

Bijbel ta splica pakico Dios a crea nos planeta Tera, na ki tempo lo no tin sufrimento mas, kico futuro ta trece cu ne pa planeta Tera y kico ta spera esnan cu lo biba riba dje.

Kico Bijbel Ta Siña Realmente?

Kico Ta e Berdad Tocante Dios?

Bo ta kere cu Dios ta interesa den bo? Siña mas tocante su personalidad y con pa hala cerca dje.