Sigui pa e contenido

Sigui pa e di dos menu

Testigonan di Jehova

Papiamento (Aruba)

Bijbel Por Yuda Bo Trata cu Problema Financiero?

Bijbel Por Yuda Bo Trata cu Problema Financiero?

E contesta cu Bijbel ta duna

Si. E cuater principionan biblico aki por yuda bo trata cu problema financiero:

  1. Traha un presupuesto. E plannan di hende balente siguramente ta conduci na abundancia, ma tur esnan cu tin pura, siguramente ta resulta den pobreza.” (Proverbionan 21:5, Beibel Santu) No core cumpra un cos djis pasobra e ta na baratio. Traha un presupuesto y tene bo mes na dje.

  2. Evita debe innecesario. E fiado ta bira esclavo di esun cu ta fi’e.” (Proverbionan 22:7, Beibel Santu) Si bo a hinca bo curpa den un debe y no por pag’e bek, purba di negosha un areglo di pago nobo. No entrega lihe. Haci manera e hende menciona na Proverbionan 6:1-5: “Pura bai serka e persona ei i keda rog’é p’e apsolbé bo di bo obligashonnan. No bai soño lubidá, no duna bo mes ni un ratu di sosiegu.” (Beibel na papiamentu koriente). Kisas lo bo tin cu purba varios biaha. Si bo prome intento no duna e resultado desea, no entrega sino sigui insisti pa bo yega na un acuerdo nobo.

  3. No laga placa bira e cos di mas importante. Hende haragan ta kore tras di rikesa, sin sa ku pobresa ta ward’é.” (Proverbionan 28:22, Beibel na papiamentu koriente) Envidia y golosidad por hiba na ruina economico y por pone hende perde interes den asuntonan spiritual.

  4. Keda satisfecho. Si nos tin cuminda, paña y un dak riba nos cabes, nos lo keda contento cu e cosnan aki.” (1 Timoteo 6:8) Placa no por cumpra felicidad. Algun di e hendenan mas feliz na mundo no tin hopi placa. Pero nan tin algo mucho mas valioso: un bon relacion cu nan famia- y amigonan y specialmente cu Dios.—Proverbionan 15:17; 1 Pedro 5:6, 7.