Sigui pa e contenido

Sigui pa e di dos menu

Testigonan di Jehova

Papiamento (Aruba)

Dicon Ta Asina Dificil pa Logra Paz Mundial?

Dicon Ta Asina Dificil pa Logra Paz Mundial?

E contesta cu Bijbel ta duna

E esfuersonan cu hende a haci pa logra paz mundial a fracasa y lo sigui fracasa pa e siguiente motibonan:

  • “No ta keda na hende pa dirigi su pasonan.” (Jeremias 10:23, Beibel Santu) Dios no a crea hende ni cu e capacidad ni cu e derecho pa goberna nan mes; pues nan lo no por logra paz duradero.

  • “No konfia den ... yu di hende ku no por salba bo. Ora e muri e ta bolbe bira tera; a kaba ku su plannan e dia ei.” (Salmo 146:3, 4, Beibel na papiamentu koriente) Ni gobernantenan cu tin bon intencion no por caba cu e causanan di guera.

  • “Den e ultimo dianan lo bin temponan critico, dificil pa trata cu ne. Pasobra hende lo ... [ta] feroz, sin amor pa loke ta bon, traidor, cabesura, hincha di orguyo.” (2 Timoteo 3:1-4) Nos ta biba den “e ultimo dianan” di e mundo malbado aki, un tempo den cua e mal actitud cu ta reina ta pone cu ta dificil pa logra paz.

  • “Ay di Tera y di lama, ya cu Diabel a baha bin cerca boso yen di rabia, pasobra e sa cu a ked’e masha poco tempo.” (Revelacion 12:12) E enemigo di Dios, Diabel, a ser benta riba Tera y ta instiga hende pa nan tin e mesun actitud malicioso cu ne. Tanten cu e ta “e gobernante di e mundo aki”, nunca nos lo por biba na paz.—Juan 12:31.

  • “[E Reino di Dios] lo garna y pone un fin na tur e reinonan aki [cu ta opone Dios], ma e mes lo dura pa semper.” (Daniel 2:44, Beibel Santu) Ta e Reino di Dios, y no gobierno humano, lo cumpli cu nos deseo pa paz mundial pa semper.—Salmo 145:16.