Sigui pa e contenido

Sigui pa e di dos menu

Testigonan di Jehova

Papiamento (Aruba)

Kico Ta Pasa cu Nos Ora Nos Muri?

Kico Ta Pasa cu Nos Ora Nos Muri?

E contesta cu Bijbel ta duna

Bijbel ta bisa: “E bibonan sa cu nan lo muri, ma e mortonan no sa nada.” (Eclesiastes 9:5, Beibel Santu; Salmo 146:4) Pesey, ora nos muri, nos ta stop di existi. E ora ey nos lo no por pensa, sinti ni haci nada.

“Na stof lo bo bolbe”

Dios a bisa e prome homber Adam kico ta pasa ora un hende muri. E tabata desobediente y pesey Dios a bis’e: “Stof bo ta y na stof lo bo bolbe.” (Genesis 3:19, Beibel Santu) Prome cu Dios a crea Adam for “di stof di tera”, Adam no tabata existi. (Genesis 2:7, Beibel Santu) Anto dia Adam a muri, el a bolbe na stof y a stop di existi.

Mescos ta pasa cu esnan cu ta muri awor. Bijbel ta bisa di tanto hende como bestia: “Tur a bin di stof y tur ta bolbe na stof.”​—(Eclesiastes 3:19, 20, Beibel Santu).

Morto no mester ta fin di tur cos

Bijbel ta compara morto cu soño. (Salmo 13:3; Juan 11:11-14; Echonan 7:60) Un persona cu ta den un soño profundo no sa kico ta pasa rond di dje. Mescos tambe, e mortonan no ta consciente di nada. Pero Bijbel ta bisa cu Dios por lanta e mortonan, comosifuera for di soño, y duna nan bida atrobe. (Job 14:13-15) Pues, pa hende cu Dios resucita, morto no ta fin di tur cos.

 

Mas Informacion

DIOS TIN BON NOTICIA PA NOS!

Ki Speransa Tin pa Hende Cu A Muri?

Kico ta pasa cu nos ora nos muri? Lo yega un dia cu nos lo bolbe mira nos sernan keri cu a muri?

Kico Bijbel Ta Siña Realmente?

Unda e Mortonan Ta?

Haya sa kico Bijbel ta bisa tocante unda e mortonan ta y dicon nos ta muri.