Sigui pa e contenido

Dios Tin un Nomber?

Dios Tin un Nomber?

E contesta cu Bijbel ta duna

Tur hende tin un nomber. No ta logico cu Dios tambe lo tin un nomber? Uzo di nomber personal ta importante den un amistad. Acaso esaki mester ta diferente ora ta trata di nos amistad cu Dios?

Aunke Dios tin hopi titulo den Bijbel—manera “Dios Todopoderoso”, “Señor Soberano” y “Creador”—e ta honra su sirbidornan invitando nan pa uza su nomber personal. (Genesis 17:1, Beibel Santu; Echonan 4:24; 1 Pedro 4:19) Kico ta su nomber personal? Un biaha Hesucristo a cita e Scritura Hebreo di Bijbel y a bisa: “Ta para skirbi: ‘Ta Jehova bo Dios bo tin cu adora, y ta na e so bo tin cu rindi sirbishi sagrado.’” (Mateo 4:10) Mayoria di experto riba tereno di Bijbel ta prefera e forma di e nomber “Yahweh”, pero “Jehova” ta e forma mas conoci.

E prome parti di Bijbel no a ser skirbi na Papiamento, sino na Hebreo, un idioma cu ta ser lesa di patras pa dilanti. Den e idioma ey, e nomber di Dios ta aparece como cuater consonante, יהוה. E cuater letternan Hebreo traduci como YHWH—ta conoci como Tetragramaton.