Sigui pa e contenido

Sigui pa e di dos menu

Testigonan di Jehova

Papiamento (Aruba)

Kico e Reino di Dios Ta?

Kico e Reino di Dios Ta?

E contesta cu Bijbel ta duna

E Reino di Dios ta un gobierno real cu Jehova Dios a establece. “E Reino di Dios” ta ser yama tambe den Bijbel “e Reino di cielo” ya cu ta for di cielo e ta goberna. (Marco 1:14, 15; Mateo 4:17) Aunke e tin hopi cos en comun cu gobiernonan humano, toch e ta superior den tur sentido.

  • Gobernante. Dios a nombra Hesucristo como Rey di e Reino y a dun’e mas autoridad cu cualkier gobernante humano hamas por tin. (Mateo 28:18) Hesus ta uza e poder aki solamente pa haci bon. En realidad, el a demostra di ta un Lider confiabel y yen di compasion. (Mateo 4:23; Marco 1:40, 41; 6:31-34; Lucas 7:11-17) Bou di e guia di Dios, Hesus a scoge personanan for di tur nacion cu lo bay cielo pa goberna e Tera hunto cu ne.—Revelacion 5:9, 10.

  • Duracion. Na contraste cu gobiernonan humano cu t’ey pa un tempo so, e Reino di Dios “nunca lo no wordo destrui.”—Daniel 2:44, Beibel Santu.

  • Ciudadano. Cualkier hende cu ta haci loke Dios ta bisa, por ta un ciudadano di e Reino di Dios sin importa nan nacionalidad of unda nan a nace.—Echonan 10:34, 35.

  • Ley. E leynan (of mandamentonan) di e Reino di Dios ta haci mas cu djis prohibi mal conducta. E leynan aki ta hisa e balornan moral tambe di e ciudadanonan. Por ehempel, Bijbel ta bisa: “‘Stima Jehova bo Dios cu henter bo curason, cu henter bo alma y cu henter bo mente.’ Esaki ta e mandamento di mas grandi y esun di prome. E di dos, igual cu ne, ta esaki: ‘Stima bo prohimo mescos cu bo mes.’” (Mateo 22:37-39) Amor pa Dios y pa prohimo ta motiva ciudadanonan di e Reino pa tene cuenta cu interes di otronan.

  • Educacion. E Reino di Dios tin normanan halto pa su ciudadanonan pero tambe e ta siña hende con pa tene nan mes na e normanan ey.—Isaias 48:17, 18.

  • Meta. E Reino di Dios no ta haci su gobernantenan rico a costo di su ciudadanonan. En bes di esey, e Reino lo cumpli cu e boluntad di Dios, incluso e promesa cu esnan cu ta stim’e lo biba pa semper den un paradijs riba Tera.—Isaias 35:1, 5, 6; Mateo 6:10; Revelacion 21:1-4.

Mas Informacion

Kico Bijbel Ta Siña Realmente?

Kico e Reino di Dios Ta?

Hopi hende conoce e oracion di Nos Tata. Kico e siguiente expresion ta nifica: “Laga bo Reino bin”?