Sigui pa e contenido

Sigui pa e di dos menu

Testigonan di Jehova

Papiamento (Aruba)

Dicon Hesus Ta Ser Yama Yiu di Dios?

Dicon Hesus Ta Ser Yama Yiu di Dios?

E contesta cu Bijbel ta duna

Dios no tin un casa literal cu kende e tin yiu. Pero e ta e Creador di tur cos bibo. (Revelacion 4:11) Pesey, Bijbel ta yama Adam, e prome hende cu Dios a crea, “yiu di Dios.” (Lucas 3:38) Asina tambe Bijbel ta bisa cu ta Dios a crea Hesus. Pues, Hesus tambe ta ser yama “Yiu di Dios.”—Juan 1:49.

Dios a crea Hesus prome cu el a crea Adam. Apostel Pablo a skirbi tocante Hesus: “E ta e imagen di e Dios invisibel, e prome di tur creacion.” (Colosensenan 1:15) Hesus su bida a cuminsa hopi prome cu el a nace den un pesebre na Betlehem. En realidad, Bijbel ta bisa cu “su origen ta for di hopi tempo pasa, for di e dianan di eternidad.” (Mikeas 5:2, Beibel Santu) Como e prome yiu di Dios, Hesus tabata un criatura spiritual den cielo prome cu el a nace aki riba Tera como hende. Hesus mes a bisa: “Mi ... a baha for di cielo.”—Juan 6:38; 8:23.