Sigui pa e contenido

Sigui pa e di dos menu

Testigonan di Jehova

Papiamento (Aruba)

Expertonan Ta Kere Cu Hesus A Existi?

Expertonan Ta Kere Cu Hesus A Existi?

Investigadornan tin base solido pa kere cu Hesus ta existi. Algun historiador di siglo 1 y 2 a referi na Hesus y tambe na e prome cristiannan. E Encyclopædia Britannica, edicion 2002, ta bisa: “E relatonan independiente aki ta duna prueba cu den pasado ni e opositornan di cristianismo no a duda nunca cu Hesus a existi di berdad. Ta te na final di siglo 18, durante siglo 19 y na cuminsamento di siglo 20 hende a cuminsa lanta duda pa prome biaha riba e punto aki, anto sin suficiente base.

Na 2006, e buki Jesus and Archaeology a bisa: “Awe, ningun experto respeta no ta cuestiona e echo cu un Hudiu cu yama Hesus yiu di Jose a yega di biba; mayoria di nan ta admiti mesora cu aworaki nos sa mucho mas tocante e cosnan cu el a haci y di su siñansanan basico.

Bijbel ta pinta Hesus como un persona real. E ta menciona nomber di su antepasadonan y tambe di su famianan. (Mateo 1:1; 13:55) Tambe Bijbel ta menciona nomber di gobernantenan prominente cu a biba den tempo di Hesus. (Lucas 3:1, 2) E detayenan ey ta haci posibel cu investigadornan por verifica e exactitud di relatonan di Bijbel.