Sigui pa e contenido

Sigui pa e di dos menu

Testigonan di Jehova

Papiamento (Aruba)

Ken Su Nomber Ta Skirbi den “e Buki di Bida”?

Ken Su Nomber Ta Skirbi den “e Buki di Bida”?

E contesta cu Bijbel ta duna

“E buki di bida”, cu ta ser yama tambe “e buki di memoria”, ta contene nomber di hende cu ta bin na consideracion pa haya bida eterno. (Revelacion 3:5; 20:12; Malakias 3:16, Beibel Santu) Den e buki aki Dios ta skirbi unicamente nomber di hende cu ta obediente na dje.—Juan 3:16; 1 Juan 5:3.

Dios tin tur su fiel sirbidornan den su memoria; ta comosifuera e tin nan nomber skirbi den un buki “desde cu a funda mundo.” (Revelacion 17:8) Abel, un homber fiel, aparentemente tabata e prome persona kende su nomber a ser skirbi den e buki di bida. (Hebreonan 11:4) Pero no ta trata aki di djis un lista di nomber sin ningun nificacion; esnan cu ta skirbi den dje ta hende cu nos Creador amoroso “conoce” y “cu ta pertenece na dje.”—2 Timoteo 2:19; 1 Juan 4:8.

Dios por scrap un nomber for di “e buki di bida”?

Si. Dios a bisa hende desobediente di e nacion antiguo di Israel: “Esnan ku a peka kontra Mi, Mi ta skrap for di den mi buki.” (Exodo 32:33, Beibel na papiamentu koriente) Pero si nos keda fiel na dje, nos nomber lo keda skirbi den “e buki di bida.”—Revelacion 20:12.