Sigui pa e contenido

Sigui pa e di dos menu

Testigonan di Jehova

Papiamento (Aruba)

Bijbel Ta Duna un Relato Confiabel di e Bida di Hesus?

Bijbel Ta Duna un Relato Confiabel di e Bida di Hesus?

E contesta cu Bijbel ta duna

Lucas, un escritor di Bijbel, a bisa tocante e relato cu el a skirbi di Hesus su bida: “Mi a investiga tur cos for di principio cu exactitud.”—Lucas 1:3.

Den e Evangelionan di Mateo, Marco, Lucas y Juan nos ta haya e relatonan tocante e bida di Hesus. E escritornan ey a biba den e mesun tempo cu Hesus. Pero tin hende cu ta bisa cu rond di siglo 4 a haci cambio den e relatonan aki.

Sinembargo, na comienso di siglo 20 investigadornan a haya un manuscrito di e Evangelio di Juan na Egipto. Awe e manuscrito ey, conoci como Papiro Rylands 457 (P52), ta warda na e Bibliotheek John Rylands na Manchester (Inglatera). E ta contene loke awe ta para den Bijbel na Juan 18:31-33, 37, 38.

Esaki ta un documento hopi valioso, pasobra e ta e manuscrito di mas bieu cu tin di e Scritura Griego Cristian (tambe conoci como e Testament Bieu). Hopi experto ta kere cu el a ser skirbi rond di aña 125 despues di Cristo, apenas un 25 aña despues cu Juan a skirbi esun original. Loke tin skirbi den e fragmento aki ta cuadra casi exactamente cu manuscritonan skirbi despues.