Sigui pa e contenido

Sigui pa e di dos menu

Testigonan di Jehova

Papiamento (Aruba)

Informacion Legal

Informacion Legal

Derecho di Autor

© 2017 Watch Tower Bible and Tract Society of Pennsylvania. All rights reserved.

E website aki ta publica y manteni pa Watchtower Bible and Tract Society of New York, Inc. (mas despues nos lo referi na e entidad aki como “Watchtower”). A menos cu tin otro indicacion, tur informacion riba e website aki ta propiedad intelectual di Watchtower Bible and Tract Society of Pennsylvania.

Marca Registra

Adobe, e logo di Adobe, Acrobat, y e logo di Acrobat ta marcanan di Adobe Systems Incorporated. iTunes y iPod ta marcanan di Apple Inc. Tur otro marca (registra) ta propiedad di esnan cu a crea nan.

Condicionnan di Uzo

E Condicionnan di Uzo ta determina con bo tin mag di uza e website aki. Ora bo cuminsa uza e website aki bo ta bay di acuerdo pa cumpli cu tur e Condicionnan di Uzo. No haci uzo di e website aki si bo no ta di acuerdo cu cualkier parti di e Condicionnan di Uzo.

Kico ta e manera corecto pa uza e website aki? Bo por wak, download, y print publicacion electronico, grabacion di audio, plachi of potret, texto y video (despues ta referi na esaki como “Contenido”) cu ta cay bou di derecho di autor riba e website aki. Bo mag di haci esaki solamente pa uzo personal, pero no pa uzo comercial. Ademas, bo mester tene cuenta cu e restriccionnan menciona akibou of den otro parti di e Condicionnan di Uzo. Bo no tin mag di haci lo siguiente:

  • Pone e Contenido di e website aki riba Internet (loke ta inclui website, website di comparti file of red social).

  • Publica cualkier Contenido di e website aki cu of como parti di cualkier programa of aplicacion electronico.

  • Reproduci, copia of uza cualkier parti di e website aki cu meta comercial pa gana placa, aunke esaki no ta trece ningun ganashi. Esaki ta inclui distribucion di programa of aplicacion electronico basa riba of conecta (sea na manera statico of dinamico) cu e website aki.

  • Bay riba e website aki pa traha of distribui source code, tools, of otro tecnica pa colecta informacion riba e website aki na un manera sistematico of automatico (loke ta inclui pero no ta limita na scraping, data mining, data extraction y data harvesting).

  • Haci mal uzo di e website aki y su servicionan, por ehempel door di interferi of haya acceso na e website of su servicionan na un manera cu no ta wordo ofreci riba e website.

  • Uza e website aki den cualkier manera cu ta causa daño na e website of stroba e acceso na dje. Tampoco no mag di uza e website aki den cualkier manera ilicito, ilegal, fraudulento, perhudicial of en conexion cu cualkier actividad cu ta ilicito, ilegal, fraudulento of perhudicial.

  • Uza e website aki pa cualkier proposito di marketing.

Violacion di e Condicionnan di Uzo

Si bo no cumpli cu cualkier parti di e Condicionnan di Uzo, fuera di tur e otro derechonan cu Watchtower tin bou di e Condicionnan di Uzo, Watchtower por tuma cualkier medida cu e ta haya necesario. Esaki ta inclui kita bo acceso temporalmente of por completo di e website, blokia bo acceso na e website, blokia computernan uzando bo IP-address di haya acceso na e website, tuma contacto cu bo compania di Internet pa blokia bo acceso na e website aki y/of tuma cualkier paso legal contra bo.

Cambionan

Watchtower tin e derecho di cambia e Condicionnan di Uzo aki na cualkier momento. E cambionan aki lo bira vigente for di e dia cu publica nan. Lo ta bon pa bo bishita e pagina aki regularmente pa bo ta na altura di cualkier cambio.

Ley Aplicabel y Hurisdiccion

E Condicionnan di Uzo aki ta ser interpreta y ta cay bou di leynan di e estado di New York, Merca, excluyendo asina cualkier tipo di ley di conflicto. Mester presenta cualkier caso of accion legal en conexion cu e Condicionnan di Uzo aki na un corte di estado of federal cu tin hurisdiccion den e estado di New York, Merca.

Posibilidad di Separa Clausula

Si un hues competente ta dicidi cu un clausula den e Condicionnan di Uzo ta nulo, invalido, ilegal of no aplicabel e resto di e Condicionnan di Uzo ta keda vigente. Si Watchtower keda sin aplica of ehecuta un clausula di e Condicionnan di Uzo, esey no kiermen cu e clausula ey no ta vigente of cu no por ehecuta of aplica e clausula aki mas.

Acuerdo Completo

E Condicionnan di Uzo aki ta representa e acuerdo completo entre abo y Watchtower en conexion cu uzo di e website aki. Cualkier acuerdo anterior en conexion cu uzo di e website aki no ta valido mas.