Keta ifingi

Keta menu iyingi

Abaketi ba Yehova

Kyangonde

Ngimba Yesu Afwilile pa Mphinjika?

Ngimba Yesu Afwilile pa Mphinjika?

Isi Ibaibolo Likuyoba

Bingi bikuketa ukuti imphinjika yo kimanyikwilo ikya Bakristu. Loli Ibaibolo litikulongosola muno umpiki ughu Yesu afwilile wayilile. Yonongwa nayumo abaghile ukumanya muno wayilile. Loli isi likuyoba sikutusimikisyila ukuti akafwilile pa mphinjika loli afwilile pa mpiki ughugholokano.

Ibaibolo likubombela amasyu gha Chigiliki ghakuti stau·rosʹ linga likuyoba isya apa Yesu afwilile. (Matai 27:40; Yohani 19:17) Nalinga m’ma Baibolo mingi amasyu agha ghasanusiwe ukuti “mphinjika pamo ikipingika,” loli bingi aba bikufufuza isi amasyu ghikusanusya bikwitikisya ukuti amasyu agha ghikusanusya “umpiki ghumowene ughu ghugholwike.” * Ukufwana ni buku lya A Critical Lexicon and Concordance to the English and Greek New Testament, ilisyu lya Chigiliki lya stau·rosʹ “likabaghila ukusanusya imipiki mibili iyi yikhomiwe pampene ukuya mphinjika.”

Ibaibolo likubombela kangi amasyu agha Chigiliki ghakuti xyʹlon as a synonym for stau·rosʹ. (Imbombo Sya Batumiwa 5:​30; 1 Peteri 2:​24) Amasyu agha ghikusanusya ukuti “thambwa,” “chigodo,” pamo “mpiki.” * “Mu Lwitikano Ulupya lwa Chigiliki naghamo amasyu agha tubaghile ukuyoba ukuti ghikusanusya imphinjika.” Momuno likuyobela The Companion Bible.

Ngimba syakwitikisiwa kwa Kyala ukubombela imphinjika pakwiputa?

Crux simplex​—ilisyu lya Chilatini ili likusanusya umpiki ghumowene ughu balangilangapo ifigabenga

Pope nalinga tukamanya muno umpiki ughu Yesu afwilile wayilile, ifundo na mavesi gha mu Baibolo agha ghitutula ukumanya ukuti tutikulondiwa ukubombela imphinjika pakwiputa.

  1. Kyala okana ukuti tubombeleghe ififwani pakwiputa, ukongelapo imphinjika. Kyala ababulile Abaisraeli ukuti bangabombelagha “ikifwani kimo” pakwiputa, kangi Abakristu bope bikubuliwa ukuti ‘bepukeko kukwiputa kufifwani.’​—Ukukumbusya Indaghilo 4:​15-​19; 1 Bakorinti 10:14.

  2. Abakristu ba bwandilo bakabombelagha imphinjika pakwiputa. * Ifimanyisyo na isi abatumiwa babombagha, syo isi nanuswe twe Bakristu tukulondiwa ukuti tukongeghe.​—2 Batesalonike 2:​15.

  3. Ukubombela imphinjika pakwiputa kwafumile ku bandu bapanja. * Bo fikindile fyinja amahadiledi mingi ukufuma apa Yesu afwilile, amatchalitchi mingi ghalingile chikristu. Kangi “balyandile ukwingisya ifimanyisyo fyabutungulu ni fifwani mu Chikristu,” ukongelapo imphinjika. (Momuno likuyobela The Expanded Vine’s Expository Dictionary of New Testament Words) Loli Ibaibolo litikwitikisya ukubomba isi panongwa yakuti fitule ukukwaba abandu bingi.​—2 Bakorinti 6:​17.

^ ipal.4 Keta mu New Bible Dictionary, Third Edition, ili lyatendekesiwe na D. R. W. Wood, pa peji 245; Theological Dictionary of the New Testament, Volume VII, pa peji 572; The International Standard Bible Encyclopedia, Revised Edition, Volume 1, pa peji 825; na The Imperial Bible-Dictionary, Volume II, pa peji 84.

^ ipal.5 Keta mu The Expanded Vine’s Expository Dictionary of New Testament Words, pa peji 1165; A Greek-English Lexicon, by Liddell and Scott, Ninth Edition, pa peji 1191-​1192; na Theological Dictionary of the New Testament, Volume V, pa peji 37.

^ ipal.9 Keta mu Encyclopædia Britannica, 2003, entry “Cross”; The Cross​—Its History and Symbolism, pa peji 40; na The Companion Bible, Oxford University Press, appendix 162, pa peji 186.

^ ipal.10 Keta mu The Encyclopedia of Religion, Volume 4, pa peji 165; The Encyclopedia Americana, Volume 8, pa peji 246; na Symbols Around Us, pa peji 205-​207.