Keta ifingi

Keta menu iyingi

Abaketi ba Yehova

Kyangonde

Ngimba Abandumi Ababibi baliko Naloli?

Ngimba Abandumi Ababibi baliko Naloli?

Isi Ibaibolo likuyoba

Ena. Abandumi ababibi bo “bandumi aba batulile inongwa,” aba balinsambukile Kyala. (2 Peteri 2:4) Uwakwanda ukwipela wandumi mbibi ali yo Setano Mohesi, uyu Ibaibolo likunjoba ukuti yo “nkulumba wa mbepo inyali (abandumi ababibi).”—Matai 12:24, 26.

Aba balisambukile Kyala m’masiku gha Nowa

Ibaibolo likuyoba inkhani sya bandumi bingi aba balinsambukile Kyala bo umpyuto wa Nowa ghukali: “Abana ba Kyala balinkwagha ukuti abana ba bandu abalindwana bamoghi fiyo, balinkweghamo bamo aba babasalile ukuya bakasi babo.” (Ubwandilo 6:2) Abandumi ababibi aba “balinkubuleka ubuyo bwabo” kumwanya nukwifwalika umbili wa bundu ukuti baghoneghe na bakikulu.—Yuda 6.

Bo amisi (upyuto wa nkabalilo ka Nowa) ghisile, abandumi ababibi aba bayilekile imibili yabo ya bundu nukughomekela kumwanya. Loli Kyala abakaghile. Pakubalanga, Kyala abakanile abandumi ababibi ukufwala kangi imibili ya bandu.—Baefesi 6:11, 12.