Keta ifingi

Keta menu iyingi

Abaketi ba Yehova

Kyangonde

Ifundo Isya Kufighilila Inkhani Isya Kisisi

Ifundo Isya Kufighilila Inkhani Isya Kisisi

Igulu lya Baketi ba Yehova likughindika ubwabuke bwa mundu aliwesa ubwa kusunga ikisisi ukufwana ni fundo isya mu Baibolo. Igulu limenye ubununu bwa kuyoba kisita kufisa kangi ubununu bwa kusunga isya aliwesa panongwa yakuti libatule Abaketi ba Yehova ukufwanisya imbombo yabo iya kufumusya amasyu amanunu nu kubatula aba baghene ni ndamyo. Abaketi bikuketesya ukuti batikuyoba isya kisisi ikya mundu kangi bikuketesya ukuti ifindu fyake fikufighililiwa (Isya Mbupingamu 15:22; 25:9) Bikuketa ukuti ukubomba isi kwakulondiwa fiyo.​—Isya Mbupingamu 20:19.

Mfisu fingi muli fundo isya kufighilila indaghilo ukuti abandu bayeghe nu bwabuke bwakusunga ikisisi. Ukwanda liyolo fiyo Igulu lya Baketi ba Yehova likumanyiwa fiyo panongwa ya kughindika ubwabuke bwakusunga ikisisi nalinga mfisu ifyakukindanakindana, indaghilo isi sikalimo. Igulu likuya pakukindilila ukufighilila ifindu fyosa ifya kisisi, ukufwana ni fundo isi sili pasi apa.

Uyu Ikulondiwa Ukukonga Ifundo Isi

Ifundo isi sikukongiwa ni gulu lyosa lya Baketi ba Yehova, ukwendela mu maofesi ghabo mfisu fyakukindanakindana.

Ukufighilila Isya Umwe

Igulu lya Baketi ba Yehova likufighilila Ifundo isya umwe mu njila isi:

  1. Ifindu ifya kisisi ifya mundu fikubombeliwa imbombo mbwanaloli kangi ukufwana ni ndaghilo.

  2. Ifindu fya kisisi ifya mundu, fikweghiwa nukubombeliwa imbombo pankhani syene isya kipanga ikya Baketi ba Yehova kangi nu kubatula abandu abangi aba bali mundamyo.

  3. Ifindu fya kisisi ifya mundu fikulondiwa ukuya fya bwanaloli kangi fikuchenjiwa ukuti fikolelane ukufwana namuno ubumi bwa mwenenafyo buyilile. Linga filipo fimo ifi fyonangike, fikuya pakutendekesiwa mwanakalinga.

  4. Ifindu fya kisisi ifya mundu fikusungiwa kwa kabalilo kene aka fikulondiwa, pabumalilo fikufufutiwa.

  5. Ukughindika ubwabuke bwa bandu aba babikile ifindu ifyakufwana nabene, yo nkhani yakulondiwa fiyo kumyitu.

  6. Igulu likubombela imbombo ifibombelo mu njila inunu ukuti abandu aba batikulondiwa bangamanyagha ifindu fya kisisi ifya mundu. Amakompyuta agha mukusungiwa ifindu fyakisisi ghikuya nipasiwedi yakisisi kangi yikupeliwa ku bandu bene aba bitikisiwe ukuti babombeleghe linga bikwingilila pamakompyuta agha. Amaofesi agha bikusungamo amakompyuta bikwighalila linga bakotwike kangi amakii ghikwikala na abandu bene aba bitikisiwe.

  7. Ifindu fya kisisi ifya mundu batikutuma ukubuka ku maofesi aghangi pene linga kwakulondiwa ukuti babombele pambombo iyakufumusya pamo ukubatula abangi aba baghene ni ndamyo. Linga umundu ikusala ukuya yumo wa Baketi ba Yehova, ikwitikisya ukuti ifindu fyake fibaghile ukutumiwa ku maofesi gha mfisu ifingi linga kwakulondiwa.

Ubwabuke Ubu Umundu Ali Nabo

  1. Ukufwana ni fundo isi Abaketi ba Yehova bikwendela pakufighilila ifindu fya mundu, aliwesa uyu abikile ifindu ifwakuwana numwene ikupeliwa ubwabuke bwakufighilila ifindu fyake, ukufufuta pamo ukutendekesya ifi fyonangike.

  2. Umundu aliwesa uyu asumile ukuti ikulonda ukutendekesya fimo mwa findu fyake ifi atutumile, ikulondiwa ukutupa ubuketi ubwakupilikiwa ubwakuti yo mwenenafyo naloli.

  3. Linga umundu uyu atupele ifindu fyake ikusuma ukuti apeliwe ifindu fyake ukuti atendekesye ifi fyonangike pamo afufute, ikuya pakupeliwa ulusako lwakubomba ifi panyuma pakuti igulu lya Baketi ba Yehova liketile ubwighane bwa mundu uyu kangi linga lisimikisye ukuti kutikuya pakubika pangozi ubwabuke bwa gulu pakubomba ifindu ifya kipanga kyabo.

  4. Igulu lya Baketi ba Yehova likusunga ifindu fya nketi aliwesa pakabalilo kosa aka umundu uyo ali nketi wa Yehova. Ukufufuta ifindu ifi kutikukolelana na isi igulu likusubila nu kubomba.

Ifi Mubaghile ukubomba Linga Ubwabuke Bwinu Bonangike

Linga umundu ikuketa ukuti bamonangile ubwabuke bwake, abaghile ukusuma ubutuli ku Komiti ya Ofesi iya Baketi, mwakulemba ikalata. Ikalata yikulondiwa ukutumiwa bo pakakinda abasabata babili ukufuma pakabalilo aka balyonangile ubwabuke bwake.