Keta ifingi

Keta menu iyingi

Abaketi ba Yehova

Kyangonde

Nongwa Yafiki Abaketi ba Yehova Batikusekela Ikilisimasi?

Nongwa Yafiki Abaketi ba Yehova Batikusekela Ikilisimasi?

Isi abandu bikwinong’ona

Ubutungulu: Abaketi ba Yehova batikusekela Ikilisimasi panongwa yakuti batikusubila mwa Yesu.

Ubwanaloli: Tuli baKristu. Tukusubila ukuti ubupoki bukwendela mwa Yesu Mwene.—Imbombo Sya Batumiwa 4:12.

Ubutungulu: Mukuyaba imbumba mwakubamanyisya aba munyumba ukuti mungasekelelagha Ikilisimasi.

Ubwanaloli: Tukupasikisya fiyo imbumba syitu kangi tukubombela iBaibolo ukutula ukuyenga imbumba syitu ukuti siyeghe syamaka.

Ubutungulu: Mutikupilikisya kanunu ubununu bwa Kilisimasi ubwa kuya balutengano pakisu kyosa kangi ukuya naminong’ona manunu ku bangi.

Ubwanaloli: Tukwiyula fiyo ukuti tuyeghe bandu banunu kangi balutengano isiku lililyosa. (Isya Mbupingamu 11:25; Baroma 12:18) Ikifwanikisyo, muno tukupangila ingomano syitu nu kufumusya tukubomba nulutengano ukufwana namuno Yesu ayobile: “Mwambilile itolo, nanumwe mupeghe itolo.” (Matai 10:8) Mwakongelapo, tukupilikila Ubunyafyale bwa Kyala ukuya lusubilo lwanaloli lwa lutengano pakisu kya pasi.—Matai 10:7.

Nongwa yafiki Abaketi ba Yehova batikusekela Ikilisimasi?

  • Yesu alaghile ukuti tukumbukileghe ukufwa kwake, komma ukupapiwa kwake.—Luka 22:19, 20.

  • Abamanyili bake abaliyolo bakasekelagha ikilisimasi. Ibuku ilya New Catholic Encyclopedia likuyoba ukuti: Abandu balyandile ukusekelela ikilisimasi ukwanda mu 243 C.E. balyandile ukusekela bo abamanyili bafwile.

  • Ubuketi bwakuti Yesu apapiwe pa 25 Disembala mu Baibolo bukayamo.

  • Tukusubila ukuti Kyala akalitikisye Ikilisimasi panongwa yakuti ukusekela uku kwalyandile nifipanga fyabutungulu.—2 Akorinti 6:17.

Nongwa yafiki Tukuyobesania Isya Kilisimasi

Abandu bingi bikumanya ukuti Ikilisimasi yalyandile ni fipanga fyabutungulu, kangi mu Baibolo fikayamo. Loli abene bikusekela. Abene bikuketa ukuti indamyo yikayapo linga unkristu ikusekela Ikilisimasi. Nongwa yafiki inkhani ya Kilisimasi nywamu?

IBaibolo likuti tubombeleghe imbombo ‘amaka ghitu ghakwinong’ona.’ (Abaroma 12:1, 2) Likutumanyisya ukuti twiputeghe mbwanaloli. (Yohani 4:23, 24) Yo nongwa yake twe Baketi ba Yehova tukukonga isi iBaibolo likuyoba, tutikukonga isya bandu.

Nalinga tusalile ukuti tungasekelagha Ikilisimasi, tukughindika ubwabuke bwa kusala bwa bandu pa nkhani iyi. Linga abangi bikusekela Ikilisimasi tutikubakanisya.